اسلام آباد: اے این ایف نے سال 2023 میں 600میٹرک ٹن سے زائد ممنوعہ اشیاء اور منشیات برآمد کیے۔
تفصیلات کے مطابق اینٹی نارکوٹکس فورس (اے این ایف) نے اپنی سالانہ کارکردگی رپورٹ جاری کردی جس کے مطابق 2023 میں ملک سے 618 میٹرک ٹن منشیات اور اربوں روپے مالیت کے ممنوعہ کیمیکلز ضبط کیے گئے۔
گزشتہ سال اے این ایف ملک سے منشیات کی لعنت کے خاتمے کیلئے متحرک رہی، گزشتہ سال 2023 میں اینٹی نارکوٹکس فورس نے 1929 آپریشنز کیے۔
رپورٹ کے مطابق آپریشنز میں 618 میٹرک ٹن منشیات، اربوں روپے مالیت کے ممنوعہ کیمیکلز ضبط کیےگئے، کریک ڈاؤن میں 1860 اسمگلنگ میں ملوث افراد کو گرفتار کیا گیا جس میں 64 غیر ملکی بھی شامل ہیں۔
2023 میں اے این ایف نے ہوائی اڈوں پر انسداد منشیات کی 341 کوششوں کو ناکام بنایا، ایئرپورٹ پر کارروائیوں میں 790.422 کلوگرام منشیات ضبط اور 405 اسمگلرز گرفتار کیے۔
اےاین ایف نے نہ صرف اندرون ملک، بیرون ملک بھی اسمگلنگ کی کوششیں ناکام بنائیں، کراچی بندرگاہ پر کنٹینرز کی چیکنگ کے دوران اسمگلنگ کی 14 کوششوں کو ناکام بنایا جبکہ بندرگاہ پر مختلف کاروائیوں میں 235 پارسلز پکڑے گئے۔
