برلن: اینجلا مرکل چوتھی بار جرمنی کی چانسلر منتخب ہوگئیں۔ انتخابات میں اینجلا مرکل کی جماعت کو برتری کے بعد انہیں پارلیمنٹ سے بھی چانسلر بننے کے لیے ووٹوں کی مطلوبہ تعداد حاصل ہوگئی۔
جرمنی میں ہونے والے عام انتخابات میں چانسلر انجیلا مرکل کی جماعت کرسچن ڈیمو کریٹک یونین نے 32 ووٹ حاصل کر کے برتری حاصل کرلی۔
وائس آف جرمنی کی رپورٹ کے مطابق کوئی بھی پارٹی واضح اکثریت لینے میں کامیاب نہ ہوسکی۔
ایگزٹ پول کے مطابق دائیں بازو کی جماعت سوشل کریٹس 20 فیصد ووٹ حاصل کر کے انتخابات میں دوسرے نمبر پر رہی۔
اینجلا مرکل کو چوتھی مرتبہ چانسلر بننے کے لیے پارلیمنٹ میں اتحادیوں کی ضرورت تھی۔ اس موقع پر سوشل ڈیمو کریٹ نے حکمران جماعت کے ساتھ اتحاد کا امکان رد کردیا۔
تاہم اینجلا مرکل پارلیمنٹ سے مطلوبہ ووٹ حاصل کر کے چوتھی مرتبہ چانسلر بننے میں کامیاب رہیں۔
جرمن انتخابات کی مہم میں دیگر امور کے علاوہ تارکین وطن کی جرمنی میں آباد کاری کا معاملہ بھی موضوع بحث رہا۔
انتخابات سے قبل انجیلا مرکل کا کہنا تھا کہ دائیں بازو کی جماعت اے ایف ڈی کا پارلیمنٹ میں آنا ہمارے لیے چیلنج ہے۔
یاد رہے کہ انجیلا مرکل سال 2005 میں پہلی مرتبہ چانسلر کے عہدے پر فائز ہوئیں۔ انہوں نے 2 مرتبہ حکومت بنانے کے لیے اپنی سب سے بڑی حریف سیاسی پارٹی ایس پی ڈی اور ایک مرتبہ لبرلز سے اتحاد کیا تھا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
