جنگل کی دنیا میں طاقت کا استعمال ہی زندگی کی ضمانت ہوتا ہے، جو جانور اپنی طاقت کو استعمال نہیں کرپاتا وہ یا تو بھوکا رہ جاتا ہے یا پھر کسی کا تر نوالہ بن جاتا ہے۔
جنگلوں میں جانوروں کی بادشاہت بھی طاقت کی مرہون منت ہوتی ہے اور یہی وجہ ہے کہ طاقتور کمزور کو دباتا ہے اور یہ سلسلہ یوں ہی چلتا رہتا ہے۔
اس حوالے سے سوشل میڈیا پر ایک ویڈیو وائرل ہورہی ہے کہ جس میں ایک گینڈا گھاس کھانے کے دوران ایک چھوٹے گینڈے کو اپنے سینگ سے اچھال کر زمین پر پٹخ دیتا ہے۔
Why ??😱😱 pic.twitter.com/XcpHLmF4Vu
— Terrifying Nature (@TerrifyingNatur) April 24, 2023
وائرل ہونے والی ویڈیو میں دیکھا جاسکتا ہے کہ جنگل میں ایک دیو قامت گینڈا گھاس چر رہا ہے اس کے ساتھ دو گینڈے کے بچے بھی موجود ہیں، حالانکہ وہ دونوں بچے گھاس کے ڈھیر سے ابھی کچھ کھانے کی کوشش کر ہی رہے تھے کہ اسی اثناء میں گینڈے کو غصہ آیا اور اس نے اچانک ایک بچے کو اپنے سینگ سے اٹھا کر اتنا اوپر اچھالا کہ بچہ زمین پر کمر کے بل جاگرا۔
اس ویڈیو کو سماجی رابطے کی ویب سائٹ ٹوئٹر پر ’خوفناک فطرت کیوں‘ کہ عنوان سے شیئر کیا گیا ہے، جس پر صارفین کمنٹس سیکشن میں اپنے خیالات کا اظہار کررہے ہیں۔