دنیا بھر کے مسلمان رمضان المبارک کا آخری عشرہ شروع ہو رہا ہے عیدالفطر سے قبل سرکاری ملازمین کے لیے بڑی خوشخبری آ گئی ہے۔
دنیا بھر میں رمضان المباک کا آخری عشرہ شروع ہو رہا ہے۔ مسلمان روزے اور عبادات کرنے کے ساتھ اب عید کی تیاریوں میں بھی مصروف ہیں۔ اس بڑے تہوار سے قبل سرکاری ملازمین کے لیے بڑی خوشخبری آ گئی ہے کہ انہیں عید بونس دیا جائے گا۔
بھارتی میڈیا کے مطابق مغربی بنگال کی ممتا بنرجی حکومت نے اپنے ان تمام سرکاری ملازمین کو عید کے موقع پر 6,800 روپے کا بونس دینے کا فیصلہ کیا ہے جو پیداوار سے متعلق بونس سسٹم میں شامل نہیں ہیں۔
رپورٹ کے مطابق یہ بونس ریاست کے ان سرکاری ملازمین کو دیا جائے گا جن کی تنخواہ 44 ہزار روپے ماہانہ سے کم ہے۔
اس کے علاوہ ریٹائرڈ ملازمین کو تہوار الاؤنس اور 3500 روپے ایکس گریشیا بھی ملے گا۔
پاکستان میں عیدالفطر کب ہو گی؟ محکمہ موسمیات کی پیشگوئی
محکمہ خزانہ کی جانب سے اس حوالے سے بونس دینے کے احکامات جاری کر دیے گئے ہیں۔ مسلمان ملازمین کو عید سے قبل جب کہ دیگر ملازمین کو 15 سے 19 ستمبر کے درمیان یہ بونس دیا جائے گا۔
