امریکا میں مقیم پاکستانی شہری نے اپنی شناخت ظاہر کیے بغیر ترکیہ کے سفارتخانے میں جاکر زلزلہ زدگان کی امداد کے لیے 3 کروڑ ڈالر کا عطیہ دیا ہے۔
ترکیہ اور شام میں گزشتہ ہفتے آنے والے 7.8 شدت کے قیامت خیز زلزلے کے بعد جہاں حکومتی سطح پر دنیا کے مختلف ممالک کی جانب سے امدادی سرگرمیاں جاری ہیں وہیں فلاحی تنظیموں کے ساتھ خدا ترس افراد اپنے طور پر بھی زلزلہ متاثرین کی امداد میں پیش پیش ہیں۔ ایسے ہی دردمند لوگوں میں شامل ہے امریکا میں مقیم ایک گمنام پاکستانی شہری جس نے اپنی شناخت ظاہر کیے بغیر گزشتہ ترکیہ کے سفارتخانے میں جاکر زلزلہ زدگان کے لیے 3 کروڑ ڈالر کی خطیر رقم عطیہ کی ہے۔
عرب نیوز کے مطابق پاکستانی شہری نے اپنی شناخت ظاہر کیے بغیر واشنگٹن ڈی سی میں واقع ترکیہ کے سفارت خانے کو ترکیہ اور شام میں زلزلہ زدگان کی مدد کے لیے تین کروڑ ڈالر کی بڑی رقم عطیہ کی ہے۔ مذکورہ پاکستانی کے اس جذبہ ہمدردی کو دنیا بھر میں سراہا جا رہا ہے۔
پاکستان کے وزیر اعظم محمد شہباز شریف نے ٹوئٹر پر اپنے بیان میں گمنام پاکستانی شہری کو سراہتے ہوئے کہا ہے کہ ’ایک گمنام پاکستانی کی مثال دیکھ کر دل بہت متاثر ہوا جو امریکا میں ترکیہ کے سفارت خانے گیا اور ترکیہ اور شام میں زلزلہ زدگان کے لیے 30 ملین ڈالر کا عطیہ دے آیا۔یہ انسانیت کی فلاح کے لیے شاندار کام ہیں جو انسانیت کو مشکلات پر فتح دلانے میں کردار ادا کرتے ہیں۔
Deeply moved by the example of an anonymous Pakistani who walked into Turkish embassy in the US & donated $30 million for earthquake victims in Türkiye & Syria. These are such glorious acts of philanthropy that enable humanity to triumph over the seemingly insurmountable odds.
— Shehbaz Sharif (@CMShehbaz) February 11, 2023
اسی حوالے سے ترکیہ کے نشریاتی ادارے ٹی آر ٹی سے وابستہ یوسف اِرم نے بھی ٹوئٹ کیا جس میں انہوں نے پاکستانی بزنس مین کے اس عطیے کی تصدیق کرتے ہوئے کہا کہ ہمیں نہیں معلوم وہ کون ہیں؟ ان کی شناخت کو ظاہر نہیں کیا گیا ہے۔
ایک پاکستانی خاموشی سے ترکی کی امریکہ میں موجود سفارت خانے میں داخل ہوا اور خاموشی سے 30 ملین ڈالرز دے کر چلا گیا۔ pic.twitter.com/WWHRiKL9nE
— RTEUrdu (@RTEUrdu) February 11, 2023
دی الیکشن پوسٹ کے ایڈیٹر ان چیف مصطفیٰ تنیاری نے بھی سماجی رابطوں کی ویب سائٹ ٹوئٹر پر ترکیہ کے واشنگٹن ڈی سی میں تعینات سفیر مُراط میکران کے بیان کی تصدیق کرتے ہوئے کہا کہ ایک پاکستانی بزنس مین نے اکیلے ترکیہ کی امدادی مہم میں تین کروڑ ڈالر دیے ہیں۔
💥SON DAKİKA💥
Türkiye'nin Washington Büyükelçisi Murat Mercan'ın az önce verdiği bilgiye göre, Amerika'da başlatılan Türkiye'ye yardım kampanyasına, Pakistanlı bir işadamı tek başına 30 milyon dolar yardım yaptı.
Gözlerim yaşardı şu an.— Mustafa Tanyeri (@TanyeriMustafa) February 6, 2023
یہ بھی پڑھیں: ایثار ہو تو ایسا، آذر بائیجان کا شہری گھر کا سامان لے کر ترکیہ پہنچ گیا
واضح رہے کہ ایثار کی ایک مثال ترکیہ کے پڑوسی ملک آزر بائیجان سے بھی سامنے آئی تھی جب وہاں کا ایک شہری اپنے زلزلہ متاثرین بھائیوں کی امداد کے لیے گاڑی میں اپنے گھر کا سامان لاد کر ترکیہ پہنچ گیا تھا۔
