پاکستان پر حملہ آور 1 اور افغان دہشتگرد بے نقاب ہو گیا۔
سیکیورٹی ذرائع کے مطابق حال ہی میں شمالی وزیرستان کے علاقے غلام خان میں 7 دہشت گرد مارے گئے، ہلاک دہشت گردوں میں 1 افغان باشندہ نکلا جس کی شناخت ملک الدین مصباح کے نام سے ہوئی ہے۔
ذرائع کا کہنا ہے کہ پاکستان میں دہشتگردی کی واحد وجہ افغان سرزمین سے دہشتگردوں کی دراندازی ہے، افغان طالبان نے وعدے کئے مگر کالعدم ٹی ٹی پی کیخلاف کوئی مثبت پیش رفت نہیں کی۔
ذرائع کا کہنا ہے کہ دہشتگردوں کے تمام ٹھکانوں کا علم ہونے کے باوجود افغان طالبان کارروائی میں ناکام رہے، ماضی میں بھی افغان سر زمین سے دہشتگردوں نے پاکستان میں خون کی ہولی کھیلی ہے۔
ذرائع کے مطابق کالعدم ٹی ٹی پی دہشتگرد قاری امجد، حافظ گلبہادر افغان سرزمین پر افغان طالبان کے زیر سایہ موجود ہیں، افغان حکومت دہشتگردوں کو مسلح بلکہ شہریوں کو بھی پاکستان پر حملے کیلئے استعمال کررہی ہے۔
