اسلام آباد : سابق وزیراعظم عمران خان کی سائفر سے متعلق ایک اور آڈیو لیک سامنے آگئی، مبینہ آڈیو میں عمران خان اور شاہ محمود قریشی گفتگو کررہے ہیں۔
تفصیلات کے مطابق ملک میں آڈیو لیک کا سلسلہ جاری ہے ، عمران خان کی سائفر سے متعلق ایک اور آڈیو لیک سامنے آگئی۔
مبینہ آڈیو میں عمران خان شاہ محمودقریشی سے گفتگو کرتے ہوئے کہہ رہے ہیں کہا اچھا شاہ جی ہم نے کل ایک میٹنگ کرنی ہے، اعظم خان، شاہ محمود قریشی ہم تینوں نے اور فارن سیکریٹری نے۔
عمران خان نے کہا ہے کہ اس میں ہم نے صرف کہنا ہے وہ جولیٹر ہے اس کے چپ کرکے منٹس اپنے پاس لکھ لیں، یہ اعظم خان کہہ رہا ہے اس کے منٹس بنا لیتے ہیں اسے فوٹواسٹیٹ کرکر رکھ لیتے ہیں۔
اعظم خان نے جواب دیا کہ سائفر8،9 کو آیا ہے، 8 کو آیا ہے، جس پر سابق وزیراعظم نے کہا کہ میٹنگ 7 کو ہوئی ، ہم نے کسی صورت امریکا کا نام نہیں لینا۔
مبینہ آڈیو میں عمران خان نے روز دیتے ہوئے کہا اس ایشو پر پلیز کسی کے منہ سے ملک کا نام نہ نکلے،یہ بہت امپورٹنٹ ہےآپ سب کےلیے ، کس ملک سےلیٹر آیا ہے؟ میں کسی کے منہ سے اس کا نام نہیں سننا چاہتا۔
اسدعمر نے کہا یہ لیٹر نہیں ہے، میٹنگ کی ٹرانسکرپٹ ہے، جس پر پی ٹی آئی چیئرمین کا کہنا تھا کہ وہی ہے نہ میٹنگ کی ٹرانسکرپٹ ہے، ٹرانسکرپٹ یا لیٹرایک ہی چیز ہے، پبلک جلسے میں لوگوں کو ٹرانسکرپٹ کی تو نہیں سمجھ آنی تھی لیٹر ہی بولیں گے۔
