ادس ابابا: افریقی ملک اتھوپیا میں بھی کروناوائرس کا پہلا کیس سامنے آگیا۔
غیرملکی خبررساں ادارے کی رپورٹ کے مطابق اتھوپیا کے محکمہ صحت نے ملک میں کروناوائرس کے پہلے کیس کی تصدیق کردی۔ مذکورہ شخص جاپانی شہری ہے۔
حکومت کا کہنا ہے کہ 48 سالہ جاپانی شہری افریقی ملک برکانی سے ہوتا ہوا اتھوپیا پہنچا۔ خیال رہے کہ برکانی میں وبائی مرض نے پہلے سے ہی اپنے پنجے گاڑھ رکھے ہیں۔
محکمہ صحت کا کہنا ہے کہ متاثرہ شخص 4 مارچ کو اتھوپیا پہنچا جس کے بعد اس کی ٹیسٹ رپورٹ میں کروناوائرس مثبت آیا۔ جاپانی شہری کو طبی امداد فراہم کی جارہی ہے۔
اقوام متحدہ کے ہیڈکوارٹرز میں پہلا کرونا وائرس کا کیس سامنے آگیا
مذکورہ شخص کو کروناوائرس کے خصوصی وارڈ میں رکھا گیا ہے۔
خیال رہے کہ ایک اندازے کے مطابق کروناوائرس سے دنیا بھر میں ایک لاکھ کے قریب افراد متاثر ہیں۔ مہلک وائرس سے سب سے زیادہ متاثر ہونے والے ملکوں میں چین، ایران اور جنوبی کوریا شامل ہیں۔
