رنز کی مشین بابر اعظم نے ون ڈے میں ایک اور سنچری داغ دی۔
جنوبی افریقا کے خلاف سنچورین میں کھیلے جارہے میچ میں بابراعظم نے شاندار بیٹنگ کرتے ہوئے ایک بار پھر 100 کا ہندسہ عبور کر لیا۔
Stand and deliver with that sound off the bat!! just Babar Azam things.. 🔥 #SAvPAK https://t.co/oxk1QG0AT6
— Sawera Pasha (@sawerapasha) April 2, 2021
بابر اعظم کے کیریئر کی یہ 13 ویں سنچری ہے۔ ان کی اننگز میں 17 دلکش چوکے شامل تھے۔ وہ 103 رنز بنا کر آؤٹ ہوئے۔
بابراعظم نے اپنے عہد کے بڑے بڑے بلے بازوں کو پیچھے چھوڑ دیا، وہ تیز ترین 13 سنچریاں بنانے والوں میں ہاشم آملہ، ڈیوڈ وارنر، کوہلی اور ڈی کوک سے آگے نکل گئے ہیں۔
بابراعظم نے 76 اننگز میں 13 سنچریاں بنائیں جب کہ ہاشم آملہ نے 83، ویرات کوہلی نے 86، ڈی کوک نے 86 اور ڈیوڈ وارنر نے 91 اننگز میں سنگ میل عبور کیا۔