نیویارک : ہالی ووڈ اداکارہ سوزن سیرینڈن مقبوضہ فلسطین کےلیے صدائے احتجاج بلند کرنے والی بیلا حدید کی حمایت میں سامنے آگئیں۔
غیرملکی خبر رساں ادارے کی رپورٹ کے مطابق اسرائیلی بربریت کا نشانہ بننے والے فلسطینیوں کے حق میں آواز اٹھانا فلسطینی نژاد امریکی اداکارہ بیلا حدید کا جرم بند گیا تھا، بیلا حدید کو دیگر اداکاروں اور صحافتی حلقوں کی جانب سے تنقید کا نشانہ بنایا جارہا تھا۔
لیکن اب ایک ہالی ووڈ اداکارہ سوزن سیرینڈن نے فلسطین کےلیے آواز بلند کرنے پر بیلا حدید کی حمایت کی ہے۔
سوزن سیرینڈن نے ٹوئٹر پر جاری اپنے پیغام میں کہا کہ ‘بیلا حدید نے بہت بہادری سے فلسطین پر جاری اسرائیلی بربریت کے خلاف صدائے حق بلند کی، میں بھی فلسطینی عوام کے ساتھ کھڑی ہوں جو نیتن یاہو کی نسل پرست حکومت کے خلاف لڑرہے ہیں’۔
I stand with the Palestinian People fighting against the apartheid government of Netanyahu and pray for the Israeli people that they too, will enjoy peace. I also support @bellahadid for having the bravery to stand in solidarity with her people. That can be lonely.
— Susan Sarandon (@SusanSarandon) May 26, 2021
ہالی ووڈ اداکارہ نے اپنے ٹوئٹ میں کہا کہ ‘میں اپنے لوگوں کی یکجہتی کےلیے اٹھنے پر بیلا حدید کی تعریف کرتی ہوں جو اپنے اس اقدام سے تنہا ہوسکتی تھیں’۔
معروف امریکی اخبار میں فلسطین کی حمایت کرنے والی ماڈلز کے خلاف اشتہار
فلسطینی نژاد بیلا حدید نے اداکارہ سوزن کی حمایت پر ان کا شکریہ ادا کرنے کے لیے اپنے انسٹاگرام اکاؤنٹ پر ایک تفصیلی تحریر لکھی۔
خیال رہے کہ ایک ہفتہ قبل معروف امریکی اخبار دی نیویارک ٹائمز نے فلسطینی عوام سے یکجہتی کرنے والے فنکاروں کی مذمت کا اشتہار شائع کیا گیا تھا۔
اشتہار کی سرخی میں لکھا تھا کہ بیلا،جی جی اور دعا، حماس دوسرا ہولوکاسٹ چاہتی ہیں، اب ان کی مذمت کریں، اشتہار کو تین نمایاں اسٹارز کےلیے ایک خط کی شکل دی گئی تھی، یہ اشتہار ورلڈ ویلیوز نیٹ ورک کے سربراہ ربی شمولی بوٹیچ نےآرگنائز کیا، تیار کیا اور اس کی ادائیگی کی تھی۔
