کراچی : ڈاکوؤں کو بزرگ خاتون پر بھی رحم نہ آیا ، ملزمان خاتون پر تشدد کے بعد سونے کی بالی اور چین لے کر فرار ہوگئے۔
تفصیلات کے مطابق شہرِ قائد میں اسٹریٹ کرائم کی وارداتیں بدستور جاری ہیں، کراچی کے علاقے کورنگی نمبر 4 سیکٹر 35 اے میں ڈکیتی کی واردات ہوئی۔
جہاں ملزمان نے گلی سے گزرتی بزرگ خاتون کو تشدد کانشانہ بنایا اور تشدد کے بعد سونے کی بالی اور چین لے کر فرار ہوگئے۔
متاثرہ خاتون گلی میں چیختی چلاتی رہی لیکن ملزمان کو رحم نہ آیا۔
یاد رہے گذشتہ چار روز کے دوران کورنگی میں ڈکیتی مزاحمت پر 4 نوجوانوں کو قتل کردیا گیا ، کورنگی میں ڈکیتوں کی جانب سے قتل وغارت گیری کے باوجود پولیس سڑکوں سے غائب ہیں۔
ستمبر کے چار روز میں جاں بحق افراد کی تعداد نوہوگئی ہے ، لیاقت آباد چار نمبرپر چوبیس سالہ مزمل کو ڈاکوؤں نے گولی مار دی تھی۔
لواحقین نے بتایا تھا کہ مقتول دو بھائیوں میں دوسرے نمبر پر تھا اور پنکچرکی دکان چلاتا تھا۔
ایک اور واردارت میں زمان ٹاؤن اورماڈل کالونی میں دوافراد ڈاکووں کی فائرنگ سےقتل ہوئے۔
دو ستمبرکواورنگی مومن ِآبادمیں عثمان اورعبدالحسیب جاں بحق ہوئے جبکہ گلستان جوہرمیں فیملی کے سامنے زیشان نامی شخص کو قتل کیا گیا اور کورنگی میں بھی نوجوان طلحہ اور محمد صالح کو ڈاکووں نے قتل کیا۔
