جڑانوالہ : صوبہ پنجاب کے شہر فیصل آباد کی تحصیل جڑانوالہ میں مبینہ توہین مذہب کے ایک اورمرکزی ملزم کو گرفتارکر لیا گیا۔
تفصیلات کے مطابق جڑانوالہ میں مبینہ توہین مذہب کا ایک اورمرکزی ملزم گرفتارکر لیا گیا، ذرائع نے بتایا کہ توہین مذہب معاملے پر سی ٹی ڈی پہلے ہی 2 بھائیوں کوگرفتارکرچکی ہے۔
ملزم کو سی سی ٹی وی فوٹیج کی مدد سے شناخت کے بعد گرفتار کیا گیا ہے، گرفتارمرکزی ملزمان سگےبھائی ہیں، ایک بھائی سرکاری جبکہ دوسرا نجی کمپنی کا ملازم ہے، واقعے کے فوراً بعد گوجرانوالہ فرار ہوگئے تھے۔
نگراں وزیراعلیٰ پنجاب نے تصدیق کرتے ہوئے ٹوئٹر پر بیان میں چیف سیکریٹری اورآئی جی پنجاب کو شاباش دی اور لکھا ملزمان کی ریکارڈ وقت میں گرفتاری نگراں وزیراعظم کےاعتماد اور رہنمائی کا نتیجہ ہے۔
خیال رہے جڑانوالہ میں دفعہ ایک سو چوالیس نافذ ہے، شہرمیں کرسچن کالونی سمیت حساس مقامات کی سیکیورٹی کیلئے رینجرزتعینات ہیں۔۔