کراچی سے تجاوزات کا خاتمہ، کل رات بارہ بجے سے گرینڈ آپریشن شروع کیا جائے گا -
The news is by your side.

Advertisement

کراچی سے تجاوزات کا خاتمہ، کل رات بارہ بجے سے گرینڈ آپریشن شروع کیا جائے گا

کراچی : شہر قائد میں تجاوزات کے خاتمے کا مشن پورا کرنے کیلئے محکمہ انسداد تجاوزات سیل نے تیاریاں مکمل کرلیں، آپریشن پیر کی رات سے شروع کیا جائے گا۔

تفصیلات کے مطابق سپریم کورٹ کی جانب سے کراچی میں تجاوزات کے خاتمے کیلئے دی گئی ڈیڈ لائن کی تین روزہ مہلت ختم ہوگئی۔

انسداد تجاوزات سیل پیر کی رات کو صدر اور اس کے اطراف گرینڈ آپریشن کرے گا، کے ایم سی محکمہ انسداد تجاوزات سیل نے تشہیری مہم شروع کردی ہے جس کے تحت پورے علاقے میں انتباہی بینرز بھی لگادیئے گئے ہیں اور اعلانات کرکے بھی لوگوں کو آگاہ کیا جارہا ہے۔

مزید پڑھیں: سپریم کورٹ کا پورے کراچی سے تجاوزات15 دن میں ختم کرنے کا حکم

اس حوالے سے میئر کراچی وسیم اختر کا کہنا ہے کہ سپریم کورٹ کی ہدایات پر صدر کے علاقے کو مڈل کے طور پر کلیئر کرانا ہے تمام تجاوزات کا خاتمہ کیا جائے گا، ماضی طرح دکانداروں کو نوٹسز دے دیئے گئے ہیں اب کوئی اسٹے آرڈر کام نہیں آئے گا۔

Comments

comments

یہ بھی پڑھیں