ایمسٹر ڈیم: یورپی ملک ہالینڈ / نیدرلینڈز میں عام انتخابات میں عوام نے اسلام مخالف رہنما گیرٹ ولڈرز کو مسترد کر دیا۔ غیر حتمی نتائج کے مطابق وزیر اعظم مارک رت کی جماعت کو برتری حاصل ہے۔
ہالینڈ میں عام انتخابات کے لیے پولنگ کا عمل مکمل ہوچکا ہے اور ووٹوں کی گنتی جاری ہے۔ ابتدائی نتائج کے مطابق موجودہ وزیر اعظم مارک رت کی جماعت سب سے آگے ہے۔
دوسری جانب امیگریشن اور اسلام مخالف امیدوار گریٹ ولڈرز کو بظاہر شکست کا سامنا ہے۔
ولڈرز نے اپنی مہم میں وعدہ کیا تھا کہ وہ مسلمان تارکین وطن پر پابندی عائد کر دیں گے، مساجد بند کر دیں گے، قرآن کی فروخت پر پابندی لگا دیں گے اور یورپی یونین سے علیحدہ ہو جائیں گے۔
تاہم ہالینڈ کی عوام نے شدت پسند رجحانات کو مسترد کردیا۔
ماہرین کا کہنا ہے کہ ہالینڈ کے انتخابات فرانس اور جرمنی کے انتخابات میں بھی رجحان سیٹ کر سکتے ہیں۔
