انورمجید کیلئے ڈاکٹروں نے فوری اوپن ہارٹ سرجری کی تجویز دے دی -
The news is by your side.

Advertisement

انورمجید کیلئے ڈاکٹروں نے فوری اوپن ہارٹ سرجری کی تجویز دے دی

اسلام آباد : جعلی بینک اکاؤنٹس کیس میں گرفتار اومنی گروپ کے مالک انور مجید کیلئے ڈاکٹروں نے فوری طور پر اوپن ہارٹ سرجری کا مشورہ دیا ہے، ان کے دل کا ایک “والو” بھی تبدیل ہوگا۔

تفصیلات کے مطابق قومی ادارہ امراض قلب کے سی سی یو میں زیر علاج اومنی گروپ کے مالک انور مجید کو ڈاکٹروں نے فوری طور پر اوپن ہارٹ سرجری کی تجویز دی ہے۔

اس حوالے سے ترجمان این آئی سی وی ڈی کا کہنا ہے کہ انور مجید کے دل کا ایک “والو” بھی تبدیل کرنا ہوگا، انور مجید کے اہل خانہ کو صورت حال سے آگاہ کردیا گیا اگر ان کے اہل خانہ انور مجید کا علاج کہیں اور کرانا چاہیں تو کراسکتے ہیں۔

انور مجید قومی ادارہ امراض قلب کے سی سی یو میں زیر علاج ہیں، اسپتال ترجمان کا مزید کہنا ہے کہ قومی ادارہ امراض قلب میں بھی اوپن ہارٹ سرجری کی سہولت موجود ہے، انورمجید کو موجودہ صورتحال میں جیل منتقل نہیں کیا جاسکتا۔

مزید پڑھیں: چیف جسٹس کا انور مجید اور عبدالغنی مجید کو فوری جیل بھیجنے کا حکم

واضح رہے کہ چیف جسٹس ثاقب نثار نے انورمجید اور عبدالغنی مجید کو فوری جیل منتقل کرنے کا حکم دیتے ہوئے کہا تھا کہ ڈیڑھ ماہ سے موجیں لگا رکھی ہیں۔

کیا یہ سرکاری مہمان ہیں؟وزیراعلیٰ نے پھر ملزمان کو سہولت کی کوشش کی تو سخت ایکشن لیں گے، جس کے بعد انہیں اسپتال منتقل کردیا گیا تھا۔

Comments

comments

یہ بھی پڑھیں