لاہور ٹیسٹ کے پہلے روز اسٹیو اسمتھ کی دلچسپ ویڈیو سوشل میڈیا پر وائرل ہوگئی۔
لاہور کے قذافی اسٹیڈیم میں کھیلے جارہے تیسرے ٹیسٹ میچ کے پہلے روز اسٹیو اسمتھ بیٹنگ کررہے تھے کہ اس دوران ’بگی کیم‘ کی نقل و حرکت نے انہیں پریشان کردیا تھا۔
ویڈیو میں دیکھا جاسکتا ہے کہ اسمتھ 19 رنز پر بیٹنگ کررہے تھے، نسیم شاہ جیسے ہی بولنگ کرنے آئے تو انہوں نے گیند کو روکا اور باؤنڈری کی جانب بگی کیم کی جانب اشارہ کرتے ہوئے ناراضگی کا اظہار کیا۔
The buggy sends its apologies @stevesmith49 🙏🏼 #BoysReadyHain l #PAKvAUS pic.twitter.com/CdfAsnY8aQ
— Pakistan Cricket (@TheRealPCB) March 21, 2022
کمنٹیٹر بھی کہہ رہے ہیں کہ اسٹیو اسمتھ بگی کیم کی وجہ سے توجہ ہٹنے پر خوش نہیں ہیں۔
بعدازاں اسٹیو اسمتھ نے بگی کیم سے دوستی کرلی اور اسے اپنا آٹو گراف بھی دے دیا۔
Apology accepted ✅ 😀@stevesmith49 made friends with ‘the robot’, endowed it with his autograph ✍️ #BoysReadyHain l #PAKvAUS pic.twitter.com/E3iNPr154O
— Pakistan Cricket (@TheRealPCB) March 22, 2022
واضح رہے کہ اسٹیو اسمتھ نے پہلی اننگز میں 59 رنز بنائے تھے انہیں نسیم شاہ نے پویلین روانہ کیا۔
خیال رہے کہ تیسرے ٹیسٹ کے دوسرے روز آسٹریلوی ٹیم پہلی اننگز میں 391 رنز بنا کر آؤٹ ہوگئی، پاکستان نے اپنی پہلی اننگز میں ایک وکٹ کے نقصان پر 91 رنز بنالیے، قومی ٹیم کو آسٹریلیا کی برتری ختم کرنے کے لیے مزید 301 رنز درکار ہیں۔