اسلام آباد : چیئرمین پی ٹی آئی عمران خان نے اسلام آباد کے تمام کیسزمیں ویڈیولنک پر پیشی کی اجازت کے لئے نئی درخواست دائر کردی۔
تفصیلات کے مطابق اسلام آبادہائیکورٹ میں چیئرمین پی ٹی آئی عمران خان کی جانب سے نئی درخواست دائر کردی گئی۔
عمران خان کی جانب سےدرخواست فیصل چوہدری نےبطوراٹارنی درخواست دائر کی۔
کیس کی پیروی بیرسٹر سلمان اکرم راجہ اوربیرسٹرابوذرسلمان خان نیازی کریں گے۔
درخواست میں کہا گیا کہ اسلام آباد کے تمام کیسزمیں ویڈیولنک پر پیشی کی اجازت دی جائے، سیکیورٹی وجوہات پرذاتی پیشی سےعدالتی کارروائیاں بھی تعطل کاشکارہوتی ہیں۔
اسلام آبادہائیکورٹ کی تمام ماتحت عدالتوں میں ویڈیولنک پرپیشی کی استدعا ہے۔
عمران خان کی درخواست میں تمام کیسز جوڈیشل کمپلیکس میں چلانے کی بھی تجویز دیتے ہوئے کہا گیا کہ پولیس کو عدالت پیشیوں کے دوران مکمل سکیورٹی فراہم کرنےکاحکم دیاجائے اور موٹروےہائی وےپربھی سکیورٹی فراہمی کےاحکامات دیئےجائیں۔
