The news is by your side.

Advertisement

جنوبی پنجاب سیکرٹریٹ کے لیے ایڈیشنل چیف سیکرٹری،ایڈیشنل آئی جی تعینات

لاہور: وزیراعلیٰ پنجاب سردار عثمان بزدار نے زاہد زمان کو جنوبی پنجاب سیکرٹریٹ کا پہلا ایڈیشنل چیف سیکرٹری جبکہ انعام غنی کو ایڈیشنل آئی جی جنوبی پنجاب مقرر کر دیا۔

اے آروائی نیوز کے نمائندہ خواجہ نصیر کے مطابق وزیراعظم عمران خان کی ہدایت پر عوامی مسائل کے حل کے لیے پنجاب کو انتظامی بنیادوں پر دو حصوں میں تقسیم کرتے ہوئے وزیراعلی سردار عثمان بزدار نے جنوبی پنجاب سیکرٹریٹ کو کل سے فعال کرنے کا حکم دے دیا۔

جنوبی پنجاب کے انتظامی امور کی سربراہی کے لیے سیکرٹری آبپاشی زاہد اختر زمان کو ایڈیشنل چیف سیکرٹری جنوبی پنجاب تعینات کیا گیا ہے جو ملتان میں قائم ہونے والے سیکرٹریٹ سے جنوبی پنجاب کے لگ بھگ سولہ اضلاع اور تین ڈویژن کے انتظامی امور دیکھیں گے۔

ذرائع کے مطابق اس سلسلے میں انکی معاونت کے لیے صحت، تعلیم سمیت متعلقہ محکموں کے سولہ سینئر افسران کو بھی تعینات کیا جائے گا۔

دوسری جانب جنوبی پنجاب کے اضلاع میں امن ا امان کی صورتحال کی ذمہ داری ایڈیشنل آئی جی انعام غنی کو سونپی گئی ہے۔اس سلسلے میں پنجاب حکومت نے دونوں افسران کی تعیناتی کا نوٹیفکیشن جاری کر دیا ہے۔

fb-share-icon0
Tweet 20

Comments

comments

یہ بھی پڑھیں