The news is by your side.

پنجاب کے نگراں وزیراعلیٰ کا تقرر: ن لیگ اور اتحادیوں کی جانب سے تاحال نام فائنل نہ ہوسکے

لاہور : پنجاب کے نگراں وزیر اعلیٰ کے تقرر کے معاملے پر ن لیگ اور اتحادیوں کی جانب سے تاحال نام فائنل نہ ہوسکے۔

تفصیلات کے مطابق پنجاب کے نگراں وزیر اعلیٰ کے تقرر کے معاملے پر وزیراعلیٰ اوراپوزیشن لیڈر کے درمیان آج رات 10 بجکر 10منٹ پر آئینی مشاورت کا وقت ختم ہوگا۔

ن لیگ اور اتحادیوں کی جانب سے تاحال نام فائنل نہ ہوسکے، اس سلسلے میں وزیر اعظم شہباز شریف لاہور میں اہم رہنماؤں سے ملاقاتیں کریں گے۔

پارٹی قائدنواز شریف ویڈیو لنک کے ذریعےاہم ملاقاتوں میں شریک ہوں گے، ن لیگ اتحادیوں سےمشاورت کےبعدنگراں وزیر اعلیٰ کیلئے نام دے گی۔

یاد رہے وزیراعلیٰ پنجاب کی جانب سے تین نام بھجوائے گئے تھے، جن میں احمد نواز سکھیرا، ناصر محمود کھوسہ ، محمد نصیر خان کے نام شامل تھے۔

جس میں سے ناصرسعید کھوسہ نے نگراں وزیراعلیٰ بننے سے معذرت کرلی ہے۔

Comments

یہ بھی پڑھیں