اسرائیل کا فلسطین پر قبضے کی پالیسی سے دل نہ بھرا اور صہیونی حکومت نے مقبوضہ مغربی کنارے میں یہودی بستیاں تعمیر کرنے کا اعلان کر دیا۔
غیر ملکی میڈیا کے مطابق صہیونی حکومت نے مقبوضہ فلسطینی علاقے میں آباد ہزاروں فلسطینوں کو بے گھر کرنے کے ناپاک منصوبے پر عمل شروع کر دیا ہے اور مقبوضہ مغربی کنارے میں 5700 یہودی بستیوں کی اجازت دی گئی۔
اسرائیل کی جنونی قوم پرست حکومت نے توسیعی منصوبے پر امریکی دباؤ کو بھی مسترد کردیا ہے جب کہ اسرائیلی حکومت کے اس جارحانہ اعلان کے ستھ ہی فلسطینی قصبوں اور دیہاتوں میں یہودی آباد کاروں کی ہنگامہ آرائیوں میں بھی اضافہ ہو گیا ہے۔
امریکا نے اسرائیل کے اس فیصلے کو دو ریاستی حل کی کوششوں کو سخت نقصان پہنچانے والا قدم قرار دیا ہے اور ترجمان امریکی محکمہ خارجہ میتھیو ملر کے مطابق امریکہ مقبوضہ فلسطین میں اسرائیلی بستیوں کی تعمیرکے فیصلے سے سخت پریشان ہے۔
