میڈیکل اور پیرامیڈیکل اسٹاف کیلیے کورونا رسک الاؤنس منظور

سندھ سرکار محکمہ صحت کے میڈیکل اور پیرا میڈیکل اسٹاف کو کورونا رسک الائونس دینے پر رضا مند ہوگئی۔

تفصیلات کے مطابق سندھ حکومت کی جانب سے میڈیکل اور پیڑا میڈیکل اسٹاف کورونا رسک مستقل الائونس دیا جائے گا۔

سترہ گریڈ سے اوپر گریڈ والے کو تیس ہزار الائونس دیا جائے گا جب کہ ایک سے 16 گریڈ کے ملازمین کو 17 ہزار الائونس ملے گا۔

پوسٹ گریجوئیٹ ٹرینیز کو 15 ہزار اور نرسنگ اسٹوڈنٹس کو 5 ہزار پانچ سو دیا جائے گا۔ محکمہ صحت سندھ کا کہنا ہے کہ فلڈ فنڈ میں کی گئی کٹوٹی کی رقم واپس کی جائے گی۔

واضح رہے کہ میڈیکل اور پیرا میڈیکل اسٹاف نے کورونا رسک الاونس دینے کے حق میں احتجاج کیا تھا جس پر صوبائی حکومت نے مطالبات منظور کر لیے۔

Comments