پاکستان کرکٹ ٹیم کے ہیڈ کوچ عاقب جاوید نے نیوزی لینڈ کیخلاف تیسرے ٹی 20 میچ میں ٹیم میں کچھ تبدیلیوں کا اشارہ کیا ہے۔
پاکستان کرکٹ ٹیم کے ہیڈ کوچ عاقب جاوید نے آکلینڈ میں پریس کانفرنس کرتے ہوئے نیوزی لینڈ کیخلاف ٹی ٹوئنٹی سیریز میں قومی ٹیم کے کم بیک کرنے کی امید ظاہر کرتے ہوئے تیسرے میچ کے لیے ٹیم میں تبدیلیوں کا عندیہ دیا ہے۔
عاقب جاوید نے کہا کہ نیوزی لینڈ میں چھوٹی باؤنڈریز ہیں۔ ہمارے بیٹرز اگر اوپر سے اچھا اسکور کریں تو جیت سکتے ہیں۔ تیسرے ٹی ٹوئنٹی میچ میں ایک سے دو تبدیلیاں ہو سکتی ہیں۔
ان کا کہنا تھا کہ پاکستان ٹیم اصل تیاری تو ایشیا کپ اور ورلڈ کپ کی کر رہی ہے۔ صائم ایوب اور فخر زمان جب اس ٹیم کو جوائن کریں گے تو یہ ایک اچھی ٹیم بن جائے گی۔
ہیڈ کوچ نے شاہین شاہ آفریدی کی ناقص پرفارمنس کا دفاع کرتے ہوئے کہا کہ ٹی 20 میں بولر کو چار چھکے لگ جانا اتنی بڑی بات نہیں، تاہم اس کو شاہین کو بھی اپنی گیم کو بڑھانا پڑے گی۔
ان کا کہنا تھا کہ شاہین شاہ کا آغاز بہت شاندار تھا، لیکن انجری کے بعد اس کو مسائل آئے ہیں۔
واضح رہے کہ پانچ ٹی 20 میچوں پر مشتمل سیریز میں میزبان نیوزی لینڈ کو دو صفر کی برتری حاصل ہے۔ تیسرا میچ کل آکلینڈ میں کھیلا جائے گا۔ سیریز بچانے کے لیے گرین شرٹس کا یہ میچ جیتنا لازمی ہے۔
قومی بولرز کی ناکامی سے مایوس رضوان نے بولنگ شروع کر دی؟ ویڈیو وائرل
