The news is by your side.

Advertisement

بھارتی موسیقار اے آر رحمان کی والدہ انتقال کرگئیں

نئی دہلی: بھارتی فلم انڈسٹری کے معروف موسیقار اللہ رکھا رحمان (اے آر رحمان) کی والدہ انتقال کرگئیں۔

بھارتی میڈیا رپورٹس کے مطابق معروف موسیقار اے آر رحمان کی والدہ کریمہ بیگم دار فانی سے کوچ کرگئیں، ان کی والدہ کی تدفین بھارتی ریاست چنئی میں کی جائے گی۔

والدہ کے انتقال کے بعد اے آر رحمان نے سماجی رابطے کی ویب سائٹ ٹویٹر پر والدہ کی تصویر پوسٹ کی جس پر متعدد بھارتی شخصیات نے تعزیت کا اظہار کیا۔

واضح رہے کہ اے آر رحمان نے 23 سال کی عمر میں 1989 میں اسلام قبول کیا تھا اور اپنا نام تبدیل کر کے اسے اے آر یعنی اللہ رکھا رحمان کرلیا، آسکر ایوارڈ یافتہ گلوکار کا ماننا ہے کہ اسلام میں انسانیت کا احترام اور سادگی سے زندگی گزارنا اہم ترین جز ہے۔

اُن کا مذہبی عقیدے کے بارے میں کہنا تھا کہ اسلام اور صوفی ازم کی وجہ سے ہی مجھے شہرت ملی اور اسی وجہ سے اپنے کیریئر کی تشکیل کرنے اور اسے متعارف کروانے میں مدد ملی ہے۔

اے آر رحمان پاکستانی غزل گائیک اور کلاسیکل موسیقی کے بے تاج بادشاہ پاکستانی گلوکار استاد نصرت فتح علی خان کے مداح ہیں اور اُن ہی کی طرح میوزک کی خدمت کرنا چاہتے ہیں۔

Comments

یہ بھی پڑھیں