بھارت میں مسلح ڈاکوؤں نے منی پور میں پنجاب نیشنل بینک (PNB) کی برانچ پر دھاوا بول دیا اور 18.85 کروڑ روپے لوٹ کر فرار ہوگئے۔
غیر ملکی ذرائع ابلاغ کے مطابق ڈکیتی کی اس واردات کو بینک کے سی سی ٹی وی کیمروں نے قید کرلیا، جس میں کم از کم 10 نا معلوم حملہ آوروں کو دیکھا جاسکتا ہے، جو رائفلز اور ہینڈگنوں سے لیس تھے۔
ویڈیو میں دیکھا جاسکتا ہے کہ ڈاکوؤں نے اپنے چہروں پر کپڑا لپیٹا ہوا ہے جبکہ اسلحہ کے زور پر بینک کے عملے کو زبردستی ایک کمرے میں لے جا رہے ہیں۔
Manipur’s biggest money heist! Masked and armed, gang loots over ₹18 crore from Punjab National Bank, Ukhrul. pic.twitter.com/Ah6oT7GA74
— Oxomiya Jiyori (@SouleFacts) December 1, 2023
کچھ مسلح ڈاکو ایک بڑے تھیلے کو لے جاتے ہوئے نظر آرہے ہیں، جس میں کروڑوں روپے موجود ہیں۔
منی پور پولیس کا کہنا ہے کہ انہوں نے اس سلسلے میں ایک مقدمہ درج کر لیا ہے اور بینک کے منیجر اور دیگر عملے سے پوچھ گچھ کی جا رہی ہے، انہوں نے مزید کہا کہ ڈاکوؤں کو پکڑنے کے لیے تلاش شروع کر دی گئی ہے۔
اخباری نمائندوں سے بات کرتے ہوئے، برانچ منیجر، نے انکشاف کیا کہ آٹھ سیکورٹی اہلکار ڈیوٹی کے لیے تعینات تھے لیکن جب ڈکیتی ہوئی تو سبھی بینک میں موجود نہیں تھے۔