The news is by your side.

Advertisement

خواتین یونیفارم میں ہوں یا گھرمیں ان کا کردار قابلِ فخرہے،آرمی چیف

راولپنڈی : آرمی چیف جنرل قمر جاوید باجوہ کا خواتین کے عالمی دن پر کہنا ہے کہ خواتین یونیفارم میں ہوں یا گھرمیں ان کا کردار قابلِ فخرہے۔

تفصیلات کے مطابق ڈی جی آئی ایس پی آر میجر جنرل آصف غفور کا سماجی رابطے کی ویب سائٹ ٹوئٹر پر کہنا ہے کہ آرمی چیف جنرل قمر جاوید باجوہ نے خواتین کے عالمی دن کے موقع پر اپنے پیغام میں کہا ہے کہ ملک کی ترقی میں خواتین کاخصوصی کردار اور ذمہ داری ہے ہمیں خواتین کے کردار پر فخر ہے۔

آرمی چیف کا کہنا تھا کہ خواتین یونیفارم میں ہوں یا گھرمیں ان کا کردار قابلِ فخرہے۔

خیال رہے کہ دنیا بھر میں آج خواتین کا عالمی دن نہایت جوش و جذبے اور ادب و احترام سے منایا جارہا ہے۔

خواتین نے دنیا کے ہر میدان میں مردوں کے شانہ بشانہ جدوجہد کرکے ثابت کیا ہے کہ ان کی شمولیت کے بغیرکوئی بھی معاشرہ ترقی کی راہ پرگامزن نہیں ہوسکتا۔ خواتین کی معاشرے میں اسی اہمیت کواجاگرکرنے کے لیے یہ دن منایا جاتا ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں