راولپنڈی : آرمی چیف جنرل عاصم منیر نے شہدا اور غازیوں کی خدمات کو شاندار خراج تحسین پیش کرتے ہوئے کہا کہ مادر وطن کےدفاع کیلئے جان کےنذرانے سے بڑھ کرکوئی قربانی نہیں۔
تفصیلات کے مطابق پاک فوج کے شعبہ تعلقات عامہ کی جانب سے بیان میں کہا گیا ہے کہ جی ایچ کیومیں فوجی اعزازات دینے کی تقریب کا انعقاد کیا گیا۔
آرمی چیف جنرل عاصم منیر نےجوانوں اورافسران کوفوجی اعزازات سےنوازا جبکہ شہدا کے اعزازات ان کے لواحقین نے وصول کیے۔
آئی ایس پی آر کا کہنا تھا کہ افسران،جوانوں کوستارہ امتیازملٹری،تمغہ بسالت اوردیگرایوارڈدیے گئے۔
آرمی چیف نے شہدا اور غازیوں کی خدمات کو شاندارخراج تحسین پیش کرتے ہوئے کہا مہ مادر وطن کےدفاع کیلئے جان کےنذرانے سے بڑھ کرکوئی قربانی نہیں۔
جنرل عاصم منیر کا کہنا تھا کہ ہمارے شہدا کی قربانیاں ہمارے عزم کو مزید مضبوط کرتی ہیں، شہدا کے بہادر خاندانوں کے بلند حوصلے کو سلام پیش کرتے ہیں۔
انھوں نے مزید کہا کہ شہدااورغازی ہمارےقومی ہیروزہیں، ہماری آزادی،سلامتی ان بہادرجنگجوؤں کی قربانیوں کی مرہون منت ہے اور ہمارےشہداقوم کیلئےامیداوراستقامت کی کرن ہیں۔
