The news is by your side.

Advertisement

آرمی چیف جنرل قمر جاوید باجوہ نے عمرہ ادا کیا اور روضہ رسولﷺ پر حاضری دی

مکہ مکرمہ : آرمی چیف جنرل قمر جاوید باجوہ نے عمرہ ادا کیا، اس سے پہلے وہ مسجد نبوی گئے، جہاں انھوں نے روزہ رسول پرحاضری دی اور دعا مانگی۔

تفصیلات کے مطابق آرمی چیف جنرل قمر جاوید باجوہ تین روزہ دورے پر سعودی عرب میں ہیں، آئی ایس پی آر کے مطابق آرمی چیف بننے کے بعد جنرل قمرجاوید باجوہ کی روضہ رسولﷺ پر پہلی حاضری ہے۔

آرمی چیف نے ریاض الجنۃ مسجد نبوی میں نوافل ادا کیے اور پھر مدینہ سے مکہ گئے، جہاں انہوں نے عمرہ ادا کیا اور ملکی و سلامتی اور بقاء کے لیے خصوصی دعا بھی کی۔

bajwa

یاد رہے اس سے قبل آرمی چیف جنرل قمر جاوید باجوہ نے سعودی فرماں روا شاہ سلمان بن عبد العزیز سے ملاقات کی،ملاقات میں دو طرفہ تعلقات اور مقامات مقدسہ کے تحفظ کے لیے اقدامات پر غور کیا گیا۔


مزید پڑھیں : آرمی چیف جنرل قمر باجوہ کی سعودی فرماں روا سے ملاقات


ملاقات کے دوران دونوں رہنماؤں نے اتفاق کیا کہ پاکستان اور سعودی عرب پر مسلم امہ کے حوالے سے اہم ذمہ داریاں ہیں جس کے لیئے دونوں ممالک کو مل کر کام کرنے کی ضرورت ہے بالخصوص دہشتگردی کے خاتمے کے لئے دونوں ممالک نے باہمی تعاون کی ضرورت پر زور دیا۔

آئی ایس پی آر کے مطابق قبل ازیں آرمی چیف جنرل قمر باجوہ نے سعودی نائب ولی عہد اور وزیر دفاع محمد بن سلمان سے بھی ملاقات کی، ملاقات کے دوران نائب ولی عہد نے پاکستان میں امن و استحکام کے لئے ہر ممکن حمایت کی یقین دہانی کرائ

Print Friendly, PDF & Email

Comments

comments

یہ بھی پڑھیں