ہفتہ, جولائی 5, 2025
اشتہار

کراچی تا پنجاب، شدت پسندوں کے خلاف ہر حد تک جائیں گے، آرمی چیف

اشتہار

حیرت انگیز

راولپنڈی : آرمی چیف قمر باجوہ نے کہا ہے کہ بے پناہ قربانیوں کے بعد حاصل کیے گئے استحکام کو مزید بہتر بنائیں گے اور قوم کے تعاون سے پہلے جیسا پُرامن پاکستان کے ہدف کو حاصل کریں گے۔

ڈی جی آئی ایس پی آر کے مطابق آج آرمی چیف کی زیرصدارت فارمیشن کمانڈرزکانفرنس میں ملک کودرپیش چیلنجز، آپریشن رد الفساد، پیشہ ورانہ تیاریوں اور پاک چین اقتصادی راہداری پرتفصیلی تبادلہ خیال کیا گیا۔

اس موقع پر آرمی چیف قمر باجوہ کا کہنا تھا کہ سرحدوں پرسیزفائرکی خلاف ورزیوں پرجوانوں کاجواب قابل قدرہے ، ہماری امن کی خواہش کو کمزوری نہ سمجھا جائے۔

آرمی چیف جنرل قمرجاویدباجوہ نے کہا کہ ہرجارحیت کا منہ توڑجواب دیا جائے گا اورملکی سلامتی کے لیے عزم و ہمت سے لیس اورہرلمحہ چاک و چوبند ہیں۔

آرمی چیف جنرل قمرجاوید باجوہ کی زیر صدارت کانفرنس میں کراچی سمیت پنجاب میں شدت پسندوں کیخلاف ہرحدتک جانےکا فیصلہ کیا گیا اورملکی جغرافیائی اورنظریاتی سرحدوں کیلئےاٹھائے گئے اقدامات پراطمینان کا اظہار کیا گیا۔

دریں اثناء اجلاس میں پاک افغان بارڈرمینجمنٹ اورفاٹااصلاحات کےمعاملات بھی زیرغورآئے جب کہ اجلاس میں سی پیک کےمنصوبوں کیلئےسیکیورٹی اوراب تک کی پیشرفت پربھی غور کیا گیا۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں