راولپنڈی: امریکی سینٹرل کمانڈ کے سربراہ جنرل لائیڈ آسٹن نے آرمی چیف جنرل راحیل شریف سے ملاقات کی۔
پاکستان کے دورے پر آئے ہوئے امریکی سینٹرل کمانڈ کے سربراہ جنرل لائیڈ آسٹن نے جنرل ہیڈ کوارٹرز راولپنڈی کا دورہ کیا اور جی ایچ کیو میں قائم یادگار شہداء پر حاضری دی اور پھولوں کی چادر چڑھائی۔
اس موقع پر انہیں پاک فوج کے چاک و چوبند دستے نے سلامی بھی دی، بعد ازاں امریکی سینٹرل کمانڈ کے سربراہ جنرل لائیڈ آسٹن نے پاک فوج کے سربراہ جنرل راحیل شریف سے تفصیلی ملاقات کی۔
ڈی جی آئی ایس پی آر میجر جنرل عاصم سلیم باجوہ کے ٹویٹ پیغامات کے مطابق ملاقات میں پاک امریکہ دفاعی اور فوجی تعلقات اور تعاون پر تفصیلی بات چیت کی گئی جبکہ امریکی سینٹرل کمانڈ کے سربراہ جنرل لائیڈ آسٹن نے خطے میں امن اور استحکام کیلئے پاک فوج کے کردار کی تعریف کی اور دہشت گردوں کے خلاف جاری آپریشن ضرب عضب کی کامیابیوں کو سراہتے ہوئے پاک فوج کی قربانیوں کو خراج تحسین پیش کیا۔
Comd US CENTCOM,Gen Lloyd Austin called on #COAS in GHQ.Matters of mutual interest, Regional security discussed-1/2 pic.twitter.com/n9BTZdqYl7
— AsimBajwaISPR (@AsimBajwaISPR) August 26, 2015