The news is by your side.

آرمی چیف آج ڈی آئی خان اور روجھان میں سیلاب متاثرہ علاقوں کا دورہ کریں گے

راولپنڈی : آرمی چیف جنرل قمر جاوید باجوہ آج ڈی آئی خان اورروجھان میں سیلاب متاثرہ علاقوں کادورہ کریں گے۔

تفصیلات کے مطابق پاک فوج کے شعبہ تعلقات عامہ (آئی ایس پی آر) کی جانب سے بیان میں کہا گیا ہے کہ آرمی چیف آج ڈی آئی خان اورروجھان میں سیلاب متاثرہ علاقوں کادورہ کریں گے، جہاں امدادی کارروائیوں کا جائزہ لیں گے۔

آئی ایس پی آر کا کہنا ہے کہ ملک بھر کیلئے آرمی فلڈ کنٹرول ہیلپ لائن 1135اور کے پی میں 1125کام کررہی ہیں،

ترجمان نے بتایا کہ آرمی ہیلی کاپٹرز کی 157 پروازوں کے ذریعے متاثرین کیلئے 72 ٹن راشن اورامدادی سامان کی ترسیل کی گئی اور ہیلی کاپٹرز کے ذریعے ایک ہزار87افراد کو محفوظ مقام پر منتقل کیا گیا۔

آئی ایس پی آر کے مطابق اب تک 50ہزارسے زائدافرادمتاثرہ علاقوں سے منتقل کیے جاچکے ہیں جبکہ آرمی میڈیکل کیمپوں میں 51ہزارسے زائدمریضوں کامفت علاج کیاگیا۔

پاک فوج کے ترجمان کا کہنا تھا کہ ملک بھر میں ریلیف سامان جمع کرنے کے 221 کیمپ قائم کیے گئے ہیں، جن میں سے پنجاب 85، کے پی 15، سندھ 43، بلوچستان 41، آزاد کشمیر 30اور گلگت بلتستان 3پوائنٹس کام کررہے ہیں۔

آئی ایس پی آر نے مزید بتایا کہ ان مراکز پر 1231 ٹن امدادی اشیاء اور ادویات جمع کی گئیں ، جمع شدہ سامان سیلاب زدگان کے لیے روانہ کی جا رہی ہیں، جس میں 25,000 تیار کھانے کے پیکٹ بھی شامل ہیں۔

Comments

یہ بھی پڑھیں