site
stats
اہم ترین

بانی ایم کیوایم کو16 مارچ کو پیش کیا جائے‘ انسدادِ دہشت گردی عدالت

اسلام آباد: انسدادِ دہشت گردی کی عدالت نے بانی متحدہ قومی موومنٹ کے 3 مقدمات میں نا قابل ضمانت وارنٹ گرفتاری جاری کر دیئے ہیں، عدالت نے حکم دیتے ہوئے کہا کہ بانی ایم کیوایم کو 16 مارچ تک گرفتار کرکے عدالت میں پیش کیا جائے.

تفصیلات کے مطابق ایک مرتبہ پھربانی متحدہ قومی موومنٹ کے 3 مقدمات میں نا قابل ضمانت وارنٹ گرفتاری جاری کردیئے گئے، اسلام آباد کی انسداد دہشت گردی کی عدالت نے ملزم کے وارنٹ جاری کئے ہیں.

اس کے ساتھ ہی عدالت نے حکم دیتے ہوئے کہا کہ بانی ایم کیو ایم کو 16 مارچ تک گرفتار کرکے عدالت میں پیش کیا جائے.

واضح رہے کہ پاک فوج کے خلاف اشتعال انگیز تقاریر کرنے پر 3تھانوں میں مقدمات درج ہیں، بانی ایم کیو ایم پر تھانہ کوہسار، سیکریٹریٹ اور بھارہ کہو میں دہشت گردی کے مقدمات درج ہیں.

مزید پڑھیں : بانی ایم کیو ایم کے وارنٹ گرفتاری جاری‘ عدالت میں پیش کرنے کا حکم

یاد رہے کہ بانی ایم کیو ایم کے معتدد مرتبہ مختلف مقدمات میں نا قابل ضمانت وارنٹ گرفتاری جاری ہو چکے ہیں‌، حالیہ طورپررواں ماہ کراچی کی انسداد دہشت گردی کی عدالت نے بانی ایم کیو ایم اور ایم پی اے عدنان احمد سمیت 200 افراد کے وارنٹ گرفتاری جاری کیے تھے، جبکہ اے ٹی سی نے پولیس کو ہدایت کی تھی کہ ملزمان کو 6 مارچ کو عدالت کے روبرو پیش کیا جائے.

مزید پڑھیں:بانی ایم کیو ایم کے ریڈ وارنٹ جاری کرنے کی منظوری

رواں ماہ ہی وزارت داخلہ نے ایف آئی اے کی درخواست پر بانی متحدہ قومی موومنٹ الطاف حسین کے ریڈ وارنٹ جاری کرنے کی منظوری دی تھی.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top