اسلام آباد : چئیرمین پی ٹی آئی عمران خان کے وارنٹ گرفتاری جاری ہونے کے بعد پارٹی وکلاء نے بھی جوابی حکمت عملی مرتب کرلی۔
اس حوالے سے ذرائع کا کہنا ہے کہ پی ٹی آئی کے وکلاء نے ڈسٹرکٹ سیشن عدالت میں وارنٹ معطل کرنے کے لیے دراخواست دائر کرنے کا فیصلہ کرلیا ہے۔
ذرائع کے مطابق پی ٹی آئی لیگل ٹیم نے وارنٹ گرفتاری معطل کرنے کے لیے درخواست تیار کرلی، آج ہی مقامی عدالت میں درخواست دائر کی جائے گی۔
عمران خان کے وارنٹ گرفتاری جوڈیشل مجسٹریٹ رانا مجاہد رحیم نے جاری کیے تھے، انسداد دہشت گردی عدالت سے منتقلی کے بعد ضمانت سیشن عدالت سے نہیں لی گئی
عمران خان کے خلاف تھانہ مارگلہ نے مقدمہ نمبر 407 درج کر رکھا ہے، ان کے خلاف مذکورہ مقدمہ بیس اگست کو درج کیا گیا تھا، مقدمے میں عمران خان کے خلاف دھمکیوں سمیت دیگر دفعات شامل ہیں۔
مزید پڑھیں : عمران خان کے وارنٹ گرفتاری جاری
واضح رہے کہ چیئرمین پی ٹی آئی عمران خان کے وارنٹ گرفتاری تھانہ مرگلہ میں 20 اگست کو درج مقدمے میں جاری کیے گئے ہیں۔
ان کے خلاف مقدمہ دفعہ 504/506 کے تحت درج کیا گیا ہے، مقدمے میں دفعہ 188/189 بھی درج ہے۔
دوسری جانب عمران خان چوک پر پولیس کی بھاری نفری پہنچ گئی ہے، پولیس نے بنی گالا جانے والے راستے کو بھی بند کردیا ہے۔
