The news is by your side.

Advertisement

ارشد خان “چائے والا” ان دنوں کہاں ہیں؟

اسلام آباد : سوشل میڈیا پر صرف ایک تصویر وائرل ہونے کے بعد شہرت کی بلندیوں پر پہنچنے والے ارشد خان چائے والا نے ایک مرتبہ پھر چائے کا کام شروع کردیا اور اپنے کیفے کا نام انہوں نے کیفے چائے والا رکھا ہے۔

چار سال برس قبل اسلام آباد میں سوشل میڈیا پر وائرل ہونے والی ایک تصویر نے ایک چائے والے کی قسمت بدل دی تھی، کنچی آنکھوں والے ارشد خان کو اس کی ایک تصویر نے شہرت کی بلندیوں پر پہنچا دیا تھا۔

اسلام آباد سے تعلق رکھنے والی فوٹوگرافر جویریہ علی نے ارشد خان المعروف چائے والا کی تصویر اکتوبر2016 میں سوشل میڈیا پر شیئر کی تھی جو دیکھتے ہی دیکھتے وائرل ہوگئی جس کے بعد ارشد خان کی قسمت کو چار چاند لگ گئے۔

کوہاٹ سے تعلق رکھنے والے ارشد خان المعروف چائے والا کا کہنا ہے کہ میرے دوست آتے رہتے ہیں تو وہ کہتے ہیں کہ اپنے ہاتھ سے چائے بنا کر دو تو اس لیے میں چائے بناتا رہتا ہوں۔

ارشد خان نے بتایا کہ اب اسلام آباد میں اپنا ایک کیفے بنالیا ہے، کچھ لوگوں نے کہا کہ آپ نے کیفے کا نام چائے والا کیوں رکھا ہے اس کا نام صرف اپنے نام سے ارشد خان کردو لیکن میں نے انہیں کہا کہ چائے والا میری پہچان ہے۔

ان کا مزید کہنا ہے کہ میں ماڈلنگ اور اداکاری کے کیرئیر کے باوجود چائے فروخت کرنے واپس آیا ہوں اور میں اس کام کو کبھی نہیں چھوڑوں گا۔ یاد رہے کہ ارشد خان کا کیفے 10 اکتوبر سے اسلام آباد کے ڈی چوک پر بلند مرکز کے پاس کھل رہا ہے۔

Comments

یہ بھی پڑھیں