اولمپک گولڈ میڈلسٹ جیولین تھروور ارشد ندیم نے اولمپک ڈے کی تقریب میں بچوں کو فوکس ہوکر کھیلنے کا مشورہ دے دیا۔
اولمپک گولڈ میڈلسٹ جیولین تھروور ارشد ندیم نے لاہور میں اولمپک ڈے کی تقریب میں شرکت کی، خوشی کا اظہار کیا اور کہا کہ اولمپک ڈے کی وجہ سے کھیلوں سے آگاہی ملتی ہے۔
اُن کا کہنا تھا کہ پہلی مرتبہ اولمپک گولڈ میڈلسٹ ہو کر اولمپک ڈے منارہا ہوں اور فخر محسوس کر رہا ہوں، ایتھلیٹس کیلیے اس دن کو منانا ایک فخر کی بات ہے۔
اولمپک گولڈ میڈلسٹ کا کہنا تھا کہ ورلڈ ایتھلیٹکس چیمپئن شپ پر فوکس ہے، اس کیلیے محنت بھی کر رہا ہوں، لاہور میں بہت گرمی ہے، جلد انگلینڈ جارہا ہوں، وہاں 1 ماہ ٹریننگ کروں گا۔
اولمپک گولڈ میڈلسٹ نے بچوں کو پیغام دیا کہ وہ فوکس ہوکر کھیلیں، میں چھوٹی جگہ سے آیا ہوں اور گولڈ میڈل جیتا، بچے محنت کریں تو وہ بھی میڈلز حاصل کر سکتے ہیں۔
یاد رہے کہ اولمپک گولڈ میڈلسٹ ارشد ندیم کو پیرس اولمپکس میں تاریخی فتح کے بعد فوربز 30 انڈر 30 ایشیا کی فہرست میں شامل کرلیا گیا ہے۔
پیرس اولمپکس میں اولمپک گولڈ میڈلسٹ نے جیولین تھرو میں 92.97 میٹر کی تھرو کرتے ہوئے گولڈ میڈل جیتا تھا جس کو فوربز نے ’اسٹننگ شو‘ قرار دیا۔
پاکستان نے ایشین والی بال نیشنزکپ کے فائنل میں جگہ بنالی
اولمپک انفرادی اسپورٹس میں پاکستان کا اب تک کا پہلا جبکہ 30 سال سے زیادہ کے عرصے میں پاکستان کا پہلا طلائی تمغہ تھا۔
ایشین ایتھلیٹکس چیمپیئن شپ میں ارشد ندیم نے ایک اور گولڈ میڈل حاصل کیا اور اب تک انہوں نے مختلف مقابلوں میں 5 گولڈ میڈل جیتے ہیں۔
