ورلڈ ایتھلیٹکس فیڈریشن نے جیولن تھرو کی عالمی رینکنگ جاری کردی ہے۔
پاکستان کے اولمپک گولڈ میڈلسٹ ارشد ندیم 1370 پوائنٹس کے ساتھ جیولن تھرو کی عالمی رینکنگ میں چوتھے نمبر پر آگئے۔
ارشد ندیم نے پیرس اولمپکس کے بعد کئی عالمی ایونٹ میں شرکت نہیں کی تھی۔
بھارت کے نیرج چوپڑا نے گرینیڈا کے اینڈرسن پیٹرز سے پہلی پوزیشن چھین لی، نیرج پہلے، اینڈرسن دوسرے اور جرمنی کے ویبر تیسرے نمبر پر موجود ہیں۔
ستمبر میں ورلڈ چیمپئن شپ سے قبل ارشد ندیم نے دو سے تین ایونٹس میں شرکت کرنا ہے، رواں برس ان کے رینکنگ پوائنٹس سے بہتری کی اُمید ہے۔
یاد رہے ارشد ندیم نے گزشتہ سال پیرس اولمپکس میں 92.97 میٹر کی تاریخی تھرو سے گولڈ میڈل جیت کر پاکستان کا نام روشن کیا تھا۔
