پاکستان تحریک انصاف کے رہنما مراد سعید نے کہا ہے کہ ارشدشریف نےاپنی جان حق کیلئےدی ہے انکا قتل کیا گیا اس شہادت کو کوئی اور رنگ دینےکی کوشش نہ کریں۔
ٹوئٹر پر جاری بیان میں مراد سعید نے کہا کہ جوڈیشل کمیشن میں ان کی جلاوطنی سے لےکر تمام واقعات اور شواہد پیش کریں گے ہم اپنے ملک کیلئے خاموش ہیں، ہمیں قانونی راستہ لینے دیں۔
ارشد شریف نےاپنی جان حق کیلئےدی ہے۔میرےبھائ کا قتل کیاگیاہےاس کی شہادت کوکوئ اور رنگ دینے کی کوشش نہ کریں۔ ہم جوڈیشل کمیشن کےسامنےان کی جلاوطنی سے لیکر شہادت تک کے تمام واقعات اور شواہد پیش کرینگے۔ ہم اپنے ملک کیلئے خاموش ہیں ہمیں قانونی راستہ لینے دیں
— Murad Saeed (@MuradSaeedPTI) October 24, 2022
فیصل آباد میں گفتگو کرتے ہوئے مسلم لیگ ن کے رہنما طلال چوہدری نے کہا کہ حکومت ارشدشریف کے معاملے پر بڑے پیمانے پر تحقیقات کا مطالبہ کرےگی۔
طلال چوہدری کا کہنا تھا کہ لانگ مارچ کی دھمکی دیتےہیں کرتے کیوں نہیں ہو اب وہ حالات نہیں ہیں کہ آپ کو کوئی تحفظ دے گا کسی نے اسلام آباد آکر قانون توڑا تو گرفتاریاں ہوں گی۔
قبل ازیں وزیراعظم کے مشیر برائے امور کشمیر قمر زمان کائرہ نے پریس کانفرنس کرتے ہوئے کہا کہ ارشد شریف کے قتل کا واقعہ انتہائی افسوسناک ہے۔
قمر زمان کائرہ کا کہنا تھا کہ ابتدائی رپورٹ میں واقعہ حادثاتی لگتا ہے، پاکستانی ہائی کمشنر معاملے کو دیکھ رہی ہیں، حکومت معاملے کو اعلیٰ سطح پر اٹھائے گی۔
