اسلام آباد : ارشد شریف قتل کیس کی تحقیقات کیلئے قائم اسپیشل جےآئی ٹی اپنی رپورٹ آج سپریم کورٹ میں پیش کرے گی۔
تفصیلات کے مطابق سپریم کورٹ میں ارشد شریف قتل از خود نوٹس کیس کی سماعت آج ہوگی۔
سپریم کورٹ کے چیف جسٹس عمرعطا بندیال کی سربراہی میں قائم پانچ رکنی لارجر بنچ آج دن ایک بجے شہید ارشد شریف قتل ازخود نوٹس کیس کی سماعت کرے گا۔
سماعت میں ارشد شریف قتل کیس تحقیقات کیلئے قائم جے آئی ٹی اپنی رپورٹ عدالت کوپیش کرے گی۔
مزید پڑھیں : ارشد شریف قتل کیس : جے آئی ٹی اہم شواہد اکٹھے کرکے واپس پاکستان پہنچ گئی
خیال رہے کینیا جانے سے پہلے ارشد شریف قتل کیس میں اسپیشل جے آئی ٹی نے اپنی رپورٹ پیش کی تھی۔
یاد رہے 2 فروری کو ارشد شریف قتل کیس کی تحقیقات کرنے والی جے آئی ٹی اہم شواہد اکٹھے کرکے واپس پاکستان پہنچی تھی۔
جے آئی ٹی نے یواے ای میں ارشد شریف کے آخری دنوں کی ملاقاتوں اور رابطوں کی معلومات حاصل کیں تھیں۔
5 رکنی اسپیشل جے آئی ٹی کی ڈی آئی جی ہیڈکوارٹر اویس احمد سربراہی کررہے تھے، 5رکنی ٹیم کے علاوہ تفتیشی افسر محمد شہباز بھی یواے ای اور کینیا میں ٹیم کے ہمراہ تھے۔
ارشد شریف قتل کیس کی تحقیقات کرنے والی جے آئی ٹی 12جنوری کو یواےای روانہ ہوئی تھی اور ایک ہفتے انکوائری کے بعد کینیا گئی تھی۔
واضح رہے سپریم کورٹ نے صحافی ارشد شریف قتل کیس کی تحقیقات ایک ماہ میں مکمل کرنے کی ہدایت کرتے ہوئے کہا تھا کہ یہ حکومت کے لئے ٹیسٹ کیس ہے۔
