اسلام آباد : ارشد شریف قتل کیس کی تحقیقات کرنے والی جے آئی ٹی اہم شواہد اکٹھے کرکے واپس پاکستان پہنچ گئی۔
تفصیلات کے مطابق ارشد شریف قتل کیس میں بنائی گئی جے آئی ٹی کے ارکان واپس پاکستان پہنچ گئے۔
جے آئی ٹی نے یواے ای میں ارشد شریف کے آخری دنوں کی ملاقاتوں اور رابطوں کی معلومات حاصل کرلی ہے۔
جے آئی ٹی رواں ہفتے اپنے رپورٹ مرتب کرکے سپریم کورٹ میں جمع کرائے گی۔
5 رکنی اسپیشل جے آئی ٹی کی ڈی آئی جی ہیڈکوارٹر اویس احمد سربراہی کررہے ہیں، 5رکنی ٹیم کے علاوہ تفتیشی افسر محمد شہباز بھی یواے ای اور کینیا میں ٹیم کے ہمراہ تھے۔
ارشد شریف قتل کیس کی تحقیقات کرنے والی جے آئی ٹی 12جنوری کو یواےای روانہ ہوئی تھی اور ایک ہفتے انکوائری کے بعد کینیا گئی تھی۔
یاد رہے سپریم کورٹ نے صحافی ارشد شریف قتل کیس کی تحقیقات ایک ماہ میں مکمل کرنے کی ہدایت کرتے ہوئے کہا تھا کہ یہ حکومت کے لئے ٹیسٹ کیس ہے۔
