اسلام آباد: سینئر صحافی ارشد شریف کا پوسٹ مارٹم پمز اسپتال میں کیا جائے گا، اہلخانہ نے دوبارہ پوسٹمارٹم کرانے کا فیصلہ کیا تھا۔
تفصیلات کے مطابق سینئر صحافی ارشدشریف کاجسدخاکی قائد اعظم انٹرنیشنل اسپتال کے سردخانے سے پمزاسپتال منتقل کیا جائے گا۔
ارشد شریف کے اہل خانہ قائد اعظم اسپتال پہنچ گئے ، جہاں ارشد شریف کی میت کو پمز اسپتال منتقل کرنے کی تیاری مکمل کرلی گئی ہے۔
ارشدشریف کے جسد خاکی کومنتقل کرنے کے لیے ایمبولنس اسپتال پہنچ گئی ، اس موقع پر پولیس کی بھاری نفری قائداعظم انٹرنیشنل اسپتال کے باہر تعینات ہیں۔
پولیس کا کہنا ہے کہ ارشد شریف کے جسد خاکی کو روٹ لگا کر پمز اسپتال منتقل کیاجائے گا، جہاں ان کا پوسٹ مارٹم کیا جائے گا۔
دوسری جانب ارشد شریف کے پوسٹ مارٹم کیلئے میڈیکل بورڈ تاحال تشکیل نہیں پایا اور نہ ہی پوسٹ مارٹم کے بارے تحریری ہدایات اسپتال کو موصول ہوئی۔
حکومت کی جانب سے ہدایت ملنے کے بعد پوسٹ مارٹم کیلئے سینئر ڈاکٹرز پر مشتمل میڈیکل بورڈ بنایا جائے گا۔
بورڈ سینئر میڈیکو لیگل آفیسرکی سربراہی میں تشکیل دیاجائے گا، مختلف شعبہ جات کےسینئرڈاکٹرزمیڈیکل بورڈمیں شامل ہوں گے۔
خیال رہے صحافی ارشد شریف کا کینیا میں پوسٹ مارٹم ہوا تھا تاہم اہلخانہ نے تحفظات کا اظہار کرتے ہوئے دوبارہ پوسٹمارٹم کرانے کا فیصلہ کیا تھا۔
یاد رہے گذشتہ رات ارشد شریف کا جسد خاکی پاکستان پہنچایا گیا تھا، ارشد شریف کی نماز جنازہ اور تدفین کل وفاقی دارالحکومت اسلام آباد میں ہوگی۔
