25.7 C
Ashburn
بدھ, مئی 22, 2024
اشتہار

پی ٹی آئی رکن سندھ اسمبلی ارسلان تاج 2 روزہ جسمانی ریمانڈ پر پولیس کے حوالے

اشتہار

حیرت انگیز

کراچی : انسداد دہشت گردی عدالت نے پی ٹی آئی رکن سندھ اسمبلی ارسلان تاج کو دو روزہ جسمانی ریمانڈ پر پولیس کے حوالے کردیا۔

تفصیلات کے مطابق کراچی کی انسداد دہشتگردی عدالت میں ڈپٹی کمشنر کیماڑی کے دفتر کے باہر ہنگامہ آرائی اور حملے کے مقدمے کی سماعت ہوئی۔

ارسلان تاج کو بکتر بند میں ہتھکڑیاں لگا کر عدالت لایا گیا، پولیس نے ایم پی اے ارسلان تاج کو بکتر بند میں ہتھکڑیاں لگا کر انسداد دہشت گردی عدالت میں پیش کیا۔

- Advertisement -

پولیس کی جانب سے 10روز سے زائد جسمانی ریمانڈ کی استدعا کی گئی ، جس پر وکیل تحریک انصاف ایڈووکیٹ شجاعت علی خان نے کہا کہ ہمارے پاس شواہد ہیں ارسلان کو مقدمےمیں غلط گرفتار کیا گیا، وقوع کے وقت ارسلان تاج وہاں موجود نہیں تھے۔

وکیل کا کہنا تھا کہ ارسلان تاج کے موبائل کاسی ڈی آرچیک کرایا جائے، مقدمےمیں ارسلان تاج کوسیاسی بنیادپرگرفتار کیا گیا۔

تحریک انصاف کے وکلا نے مقدمے سےنام خارج کرنے کی درخواست کی ، جس پر عدالت نے کہا کہ آئندہ سماعت پر دیکھ لیتےہیں پولیس کے پاس کیا شواہد ہیں۔

عدالت نے ارسلان تاج کو 2روزہ جسمانی ریمانڈپرپولیس کےحوالے کردیا اور آئندہ سماعت پر پیشرفت رپورٹ بھی طلب کرلی۔

خیال رہے پی ٹی آئی کے ایم پی اے ارسلان تاج کو ڈی سی کیماڑی کے دفتر کے باہر ہنگامہ آرائی اور حملے کے مقدمے میں گرفتار کیا گیا تھا۔

Comments

اہم ترین

فاروق سمیع
فاروق سمیع
تحقیقاتی صحافت پریقین رکھنے والے فاروق سمیع اے آر وائی نیوز سے وابستہ ہیں، دہشت گردی، سیاست اورعدالتوں سے منسلک خبروں پر کڑی نظر رکھتے ہیں۔

مزید خبریں