بالی وڈ کی فلم ’جوان‘ کے آرٹ ڈائریکٹر نے بالی وڈ کے بادشاہ شاہ رخ خان سے متعلق اہم انکشاف کیا ہے۔
شاہ رخ خان کی فلم ’جوان‘ رواں سال ستمبر میں ریلیز ہوگی دنیا بھر میں گذشتہ کئی ہفتوں سے اس فلم کے ٹکٹس کی ایڈوانس بُکنگ جاری ہے۔
تاہم فلم کی پروموشن کے حوالے سے بدھ کو شاہ رخ خان سمیت ’جوان‘ میں کام کرنے والے دیگر ستارے ایک ایونٹ میں نظر آئے جہاں فلم کے آرٹ ڈائریکٹر نے انکشاف کیا کہ ’جوان‘ کے ذریعے بالی وُڈ کے ’کنگ‘ کہلانے والے اداکار نے 3000 خاندانوں کی مدد کی۔
ریلیز سے قبل ’جوان‘ کا ریکارڈ توڑ بزنس! فلمی حقوق ڈیڑھ سو کروڑ میں فروخت
سوشل میڈیا پر چنئی کے ایک ایونٹ کی ویڈیو وائرل ہے جس میں فلم کے آرٹ ڈائریکٹر متھوراج نے کہا کہ ’’شاہ رخ خان نے بڑائی کا مظاہرہ کرتے ہوئے چنئی میں 3000 خاندانوں کو ذریعہ معاش فراہم کیا، وہ چاہتے تو آرام سے ممبئی میں فلم کے سیٹس لگوا سکتے تھے لیکن وہ چنئی آئے‘‘۔
3000 families in Tamil Nadu have prospered because #ShahRukhKhan shot his film there!#JawanAudioLaunch#JawanPreReleaseEventpic.twitter.com/tRFDbxWt1C
— Javed (Fan) (@JoySRKian_2) August 30, 2023
آرٹ ڈائریکٹر نے مزید کہا کہ اس لیے میں ان تمام خاندانوں کی طرف سے شاہ رخ خان کا شکریہ ادا کرتا ہوں۔
واضح رہے کہ فلم جوان کے ڈائریکٹر اٹلی کمار نے اس فلم سے قبل کبھی بالی وُڈ میں کام نہیں کیا لیکن وہ جنوبی انڈیا میں بڑی فلمیں بنانے کے لیے جانے جاتے ہیں۔
شاہ رخ خان کی اہلیہ گوری خان کی پروڈکشن میں بننے والی فلم ہندی، تمل اور تیلیگو زبان میں جلد ریلیز کی جائے گی۔
اس فلم میں شاہ رخ خان کے علاوہ اداکارہ دیپیکا پاڈوکون، سنیل گروور، وجے سیتوپتی اور نین تھرا بھی اداکاری کے جوہر دکھاتے ہوئے نظر آئیں گی۔
