کرتارپور راہداری نے قیام پاکستان کے وقت بچھڑے دو خاندانوں کی 78 سال بعد دوبارہ ملا دیا جذباتی ملاقات میں خوشی آنکھوں سے چھلک پڑی۔
کرتارپور راہداری نے ایک بار پھر قیام پاکستان کے وقت بچھڑے خاندانوں کو ملا دیا۔ 78 سال بعد جب ان خاندانوں کے افراد آپس میں ملے تو خوشی ان کی آنکھوں سے چھلک پڑی۔
منگل سنگھ، شنگارا سندھ اور کرتار سنگھ تین بھائی تھے۔ تقسیم ہند کے وقت کرتار سنگھ کی فیملی کڑیال ضلع شیخوپورہ میں رہ گئی جب کہ منگل سنگھ اور اس کا بھائی شنگارہ سنگھ لدھیانہ بھارت جا بسے تھے۔
سوشل میڈیا کا دور شروع ہوا تو باہمی رابطوں میں دونوں خاندانوں نے ایک دوسرے کو پہچانا جو 78 سال بعد بچھڑے خاندانوں کی ملاقات کا سبب بنا۔
سوشل میڈیا پر رابطہ کے بعد گزشتہ روز کرتار سنگھ کے بیٹے حاجی امین کی لدھیانہ سے آئے اپنے پھوپھی زاد بھائیوں سے ملاقات ہوئی تو جذباتی مناظر دیکھنے کو ملے۔
دونوں خاندانوں نے کرتار پورراہدری کھولنے پر حکومت پاکستان کا شکریہ ادا کیا اور بھارتی مہمانوں نے پاکستان کی بہترین مہمان نوازی پر دربار انتظامیہ کا شکریہ ادا کیا۔
بھارت سے آئے خاندان نے مطالبہ کیا پاکستان حکومت پاسپورٹ کی شرط ختم کرے اور ادھار کارڈ پر بارڈر انٹری کی اجازت دے تاکہ زیادہ سے زیادہ لوگ آکر درشن دیداروں کے ساتھ اپنوں سے مل سکیں۔
واضح رہے کہ اس سے قبل 2022 میں بھی کرتارپور راہداری پر قیام پاکستان کے وقت بچھڑے دو خاندان ساڑھے سات دہائیوں بعد آپس میں ملے تھے۔
کرتارپور : 74 سال قبل بچھڑنے والے خاندان کی ملاقات، جذباتی مناظر
