کراچی: اے آر وائی ڈیجیٹل کے نئے ڈرامہ سیریل ’فریاد‘ میں مرکزی کردار ادا کرنے والے فنکاروں نے پروگرام ’گڈ مارننگ پاکستان‘ میں شرکت کی اور میزبان ندا یاسر کے مختلف سوالات کے جواب دئیے۔
ڈرامہ انڈسٹری میں تیزی سے اپنا مقام بنانے والی اداکارہ نول سعید کا کہنا تھا کہ ’انہیں شروع سے ہی پینٹنگ، میوزک ، رائٹنگ کا شوق تھا، اے لیول مکمل کرنے کے بعد شوبز انڈسٹری سے وابستہ ہوگئیں۔‘
نول سعید کا کہنا تھا کہ ’شوبز میں انہیں ڈھائی سال کا عرصہ بیت چکا ہے اس سے قبل وہ اشتہارا ت میں کام کرتی رہی ہیں،شوبز میں انڈسٹری میں آنے کے لیے گھروالوں کی طرف سے کوئی پابندی نہیں تھی، والد نے بھی موسیقی میں ناپا سے گریجویٹ کیا ہے، والد بھی بہت سپورٹ کرتے ہیں۔‘
عائزہ اعوان نے شوبز میں قدم رکھنے سے قبل کتنا وزن کم کیا؟
دوسری جانب ڈرامہ سیریل ’فریاد‘ میں (ماہ نور )نامی لڑکی کا کردار ادا کرنے والی اداکارہ عائزہ اعوان نے بتایا کہ ’بچپن میں ماڈلنگ کرنے کا شوق تھا لیکن جب فیلڈ میں آئی تو وزن زیادہ ہونے کی وجہ سے جلد ہی پتا چل گیا کہ ماڈلنگ نہیں کرسکتی اس کے بعد اداکاری کرنے کا فیصلہ کیا۔‘
عائزہ اعوان کا کہنا تھا ’میں نے وزن کم کرنے کے لیے کافی جتن کیے، ورزش کی ، چہل قدمی کرتی رہی جس کے بعد 65 کلو سے 51 کلو گرام وزن کم ہوگیا۔‘
اداکارہ کا مزید کہنا تھا کہ ’جب ڈرامہ انڈسٹری میں قدم رکھا تو گھر والے ناراض تھے لیکن اب انہیں میرے ڈراموں میں کام کرنے پر کوئی اعتراض نہیں ہے۔‘
اداکار عدیل چوہدری کو والد نے گھر سے کیوں نکال دیا تھا؟
اداکار عدیل چوہدری کا کہنا تھا کہ انہیں ڈرامہ انڈسٹری میں آئے چھ سے سات سال کا عرصہ بیت چکا ہے، وہ اس سے قبل ڈینٹسٹ کے شعبے سے وابستہ تھے، جب شعبہ تبدیل کیا تو کافی مشکلات کا سامنا رہا ، 18 سال کی عمر میں والد نے گھر سے نکال دیا تھا تین سے چار دن دوست کے گھر پر گزارےبعدازاں والدہ نے والد کو راضی کیا اور انہیں اب مجھ پر فخر ہے جبکہ کامیابی میں والدہ کا اہم کردار ہے۔
عدیل چوہدری کا کہنا تھا کہ والدین لاہور میں مقیم ہیں اور مجھے شوبز سے وابستگی کی وجہ سے کراچی میں رہتے ہوئے ایک سال کا عرصہ بیت چکا ہے، اداکار کا کہنا تھا کہ ان کے بڑے بھائی ڈاکٹر ہیں جبکہ ان کی فیملی سے کوئی بھی شوبز سے وابستہ نہیں ہے۔
