The news is by your side.

اے آر وائی نیوز کی بندش : پی ایف یوجے کا منگل کو اسلام آباد کی طرف مارچ کرنے کا اعلان

اسلام آباد : سیکریٹری جنرل پی ایف یوجے رانا عظیم نے اے آر وائی نیوز کی بندش کیخلاف منگل کے روز اسلام آباد کی طرف مارچ کرنے کا اعلان کردیا۔

تفصیلات کے مطابق سیکریٹری جنرل پی ایف یوجے رانا عظیم نے اے آر وائی نیوز کے پروگرام میں گفتگو کرتے ہوئے کہا کہ اے آر وائی نیوز کی بندش پر ہم منگل کے روز اسلام آباد کی طرف مارچ کریں گے اور پارلیمنٹ ہاؤس کے باہر دھرنا دیں گے۔

سیکریٹری جنرل پی ایف یوجے کا کہنا تھا کہ تمام میڈیا ہاوسز اور تنظیموں کو خط لکھا ہے کہ باہر نکلیں اور پاکستان میں آزادی صحافت کے لیے اپنی آواز بلند کریں۔

رانا عظیم نے کہا کہ ہم دیکھا دیں گے کہ صحافی اب بھی متحد ہیں، اس وقت تک بیٹھےرہیں گے جب تک آر وائی نیوز بحال نہیں ہوجاتا۔

ان کا کہنا تھا کہ میرا رابطہ علما تنظیموں اور باقی لوگوں سے ہے، ہمیں جیلوں میں جانا پڑے ہم جائیں گے لیکن یہ لڑائی جیتیں گے۔

سیکریٹری جنرل پی ایف یو جے نے مزید کہا کہ آزادی صحافت ختم ہوگی تو جمہوریت ختم ہوجائےگی، عدلیہ کی بحالی میں میڈیا نے اہم کردار ادا کیاتھا۔

رانا عظیم کا کہنا تھا کہ اب سب کو ہوش کے ناخن لینے ہوں گے، لاہور سے چلنےوالی کوئی بھی تحریک کبھی ناکام نہیں ہوئی ، ہم یہ جنگ لڑکر جیت کر دیکھائیں گے، اےآروائی بند ہوگیا توپھر باقی چینل کی باری بھی آئے گی۔

Comments

یہ بھی پڑھیں