وفاقی وزیر اطلاعات و نشریات فواد چوہدری نے کہا ہے کہ وفاقی وزیر اسدعمر اور زبیدہ جلال احتجاجی مظاہرین سے ملاقات کے لیے گوادر جائیں گے۔
کابینہ اجلاس کے بعد نیوز بریفنگ میں فواد چوہدری نے کہا کہ وفاقی کابینہ میں گوادر کے معاملات پربات چیت ہوئی ہے اسدعمر اور زبیدہ جلال احتجاجی مظاہرین سےبات کریں گے دونوں وزرا وزیراعظم کو رپورٹ پیش کریں گے۔
انہوں نے کہا کہ وزیراعظم گوادر احتجاج پر پہلے ہی نوٹس لےچکےہیں، 700ارب روپےکا سدرن بلوچستان پیکج کا اعلان کر چکےہیں یہ وفاق کادیاپیسہ ہےمسئلےحل نہیں ہو رہے تو دیکھا جائےکہاں خامی ہے۔
فوادچوہدری نے کہا کہ ڈاکٹر فیصل سلطان نے اومی کرون پربریفنگ دی ہے خوشی کی بات ہے25فیصدلوگوں نے ویکسین مکمل کرالی، پاکستان میں 2کروڑ لوگ جنہوں نےصرف ایک ڈوز لگوائی ہے ان لوگوں سےدرخواست ہے ویکسین کی دوسری ڈوزلگوالیں۔
ان کا کہنا تھا کہ اب تو صحت کارڈ کے بعد ادویات کا ایشو ختم ہوجائےگا اب توساراعلاج صحت کارڈ کےذریعےمفت ہو گا سندھ کے سوا پورےپاکستان میں عوام کےصحت کاخرچہ حکومت اٹھائے گی۔
