The news is by your side.

Advertisement

‘عمران خان کے تاریخی جلسوں سے امپورٹڈ حکومت گھبراگئی’

اسلام آباد : تحریک انصاف کے رہنما اسد عمر کا کہنا ہے کہ عمران خان کے تاریخی جلسوں سے امپورٹڈ حکومت گھبراگئی۔

تفصیلات کے مطابق تحریک انصاف کے رہنما اسد عمر نے سماجی رابطے کی ویب سائٹ ٹوئٹر پر سیالکوٹ میں پولیس گردی پر درعمل دیتے ہوئے کہا عمران خان کے تاریخی جلسوں سے امپورٹڈ حکومت گھبرا گئی، سیالکوٹ میں عثمان ڈار اور دوسروں کو گرفتار کیا ہے۔

اسد عمرکا کہنا تھا کہ قوم اب ڈرنے والی نہیں. سیالکوٹ تیار ہو جاؤ، کپتان آج شام سیالکوٹ آ رہا، پاکستان دیکھ لے گا آج کہ سیالکوٹ اپنے کپتان کے ساتھ کھڑا ہے۔

یاد رہے آج صبح پولیس نے سیالکوٹ میں پی ٹی آئی کی جلسے کی تیاری میں مصروف کارکنوں پر دھاوا بول دیا اور اسٹیج سے کرسیاں سمیت دیگرسامان اٹھا کر پھینک دیا۔

تحریک انصاف کے کارکنوں سے پنڈال خالی کرانے کیلئے پولیس کی آنسو گیس اورلاٹھی چارج کیا، جس کے باعث کئی کارکن زخمی ہوگئے۔

پولیس نےکرین کی مدد سےاسٹیج ہٹانے کی کوشش کی تو کارکنان سامنےآگئے اور مزاحمت پر عثمان ڈارسمیت متعدد کارکنان کو گرفتار کرکے ساتھ لے گئے۔

Comments

یہ بھی پڑھیں