زرمبادلہ ذخائر میں مزید 20کروڑ ڈالر کی کمی ہوگئی‘ اسد عمر -
The news is by your side.

Advertisement

زرمبادلہ ذخائر میں مزید 20کروڑ ڈالر کی کمی ہوگئی‘ اسد عمر

اسلام آباد : پاکستان تحریک انصاف کے رہنما اسد عمر کا کہنا ہے کہ زرمبادلہ ذخائر میں مزید 20 کروڑ ڈالر کی کمی ہوگئی جبکہ 3ہفتے پہلے ہی حکومت نے ڈھائی ارب ڈالرکا قرضہ لیا۔

تفصیلات کے مطابق پاکستان تحریک انصاف کے رہنما اسد عمر نے ٹویٹر پراپنے پیغام میں کہا کہ تاریخ کا سب سےبڑا کشکول بھی موجودہ دورحکومت میں چھوٹا پڑگیا۔

اسد عمر نے کہا کہ 3 ہفتے پہلے ہی حکومت نے ڈھائی ارب ڈالرکا قرضہ لیا تھا، حکومت قرض کا ایک ارب ڈالرخرچ بھی کرچکی ہے۔

پاکستان تحریک انصاف کے رہنما اسد عمر نے کہا کہ زرمبادلہ ذخائر میں مزید 20کروڑ ڈالر کی کمی ہوگئی۔

انہوں نے کہا کہ نئی معاشی ٹیم کو ملک کواسحاق ڈار، نواز شریف کی پالیسیوں سے بچانا ہے، حکومت ڈھائی ارب ڈالر کے بعد مزید قرضے بھی لے گی۔

 

یاد رہے کہ دو روز قبل پاکستان اکانومی واچ کے صدر ڈاکٹر مرتضیٰ مغل کا کہنا تھا کہ سابق وزیراعظم نواز شریف کے دور حکومت میں 35 ارب ڈالر کے ریکارڈ قرضے لیے گئے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔ 

Comments

comments

یہ بھی پڑھیں