اسلام آباد : وزیرخزانہ اسد عمر کا کہنا ہے کہ حکومت روزگار کے مواقع پیدا کرنے کے لیے کام کر رہی ہے۔
تفصیلات کے مطابق وفاقی دارالحکومت اسلام آباد میں وزیرخزانہ نے ایشیائی ترقیاتی بینک کے نائب صدروینکائی ژہینگ سے ملاقات کی۔
وزیرخزانہ نے کہا کہ حکومت روزگار کے مواقع پیدا کرنے ، ہنر سکھانے، برآمدات میں مسابقت اور چھوٹے اور درمیانے درجے کی صنعتوں اور انفارمیشن ٹیکنالوجی کے شعبے میں کام کررہی ہے۔
انہوں نے کہا کہ مختلف سرکاری اداروں میں تکنیکی معاونت کے ذریعے استعداد کار بڑھانے کے سلسلے میں ایشیائی ترقیاتی بینک کی پیشکش کا خیرمقدم کیا ہے۔
اس موقع پرایشیائی ترقیاتی بینک کے نائب صدروینکائی ژہینگ کا کہنا تھا کہ ایشیائی ترقیاتی بینک پاکستان کے ساتھ اپنی شراکت داری کو توسیع دینے کے لیے پرعزم ہے۔
قرضے واپس کرنے کے لیے نہیں قرضوں پر سود دینے کیے لیے قرضے لے رہے ہیں‘ اسد عمر
یاد رہے کہ گزشتہ ماہ وزیرخزانہ اسد عمر کا کہنا تھا قرضے واپس کرنے کے لیے نہیں قرضوں پر سود دینے کے لیے قرضے لے رہے ہیں، تمام اقدامات کے نتائج آنے میں تھوڑا وقت لگے گا، ہمارے پاس وقت نہیں اس لیےیہ اقدامات کررہے ہیں۔
