The news is by your side.

Advertisement

” شہباز کابینہ نااہلوں کا گلدستہ ہے”جو معیشت کا بیڑاغرق کرے گا

اسلام آباد: سابق وفاقی وزیر اسد عمر نے ملک میں جاری بدترین مہنگائی پر شہباز حکومت کو آڑے ہاتھوں لیا ہے۔

تفصیلات کے مطابق سماجی رابطے کی ویب سائٹ ٹوئٹر پر جاری بیان میں اسد عمر نے کہا کہ موجودہ حکومت کے پہلےماہ میں افراط زر کی شرح گیارہ سال کی بلند سطح پر پہنچ گئی ہے۔

انہوں نے لکھا کہ یہ نااہل گلدستہ جتنی دیر حکومت کرےگا معیشت کا بیڑاغرق کرے گا، مگر یاد رکھیں کہ ان کی اپنی سیاست بھی دفن ہو جانی ہے۔

اپنے ٹوئٹ میں سیکریٹری جنرل پی ٹی آئی نے امپورٹڈحکومت نامنظور کا ہیش ٹیگ بھی استعمال کیا۔

ادھر ملک میں مہنگائی کا طوفان آچکا ہے، کراچی میں لیموں بارہ سو فی کلو میں فروخت کیا جارہا ہے جبکہ ملک بھر میں مرغی کی قیمتیں غریب کی پہنچ سے باہر ہوچکی ہیں۔

 

Comments

یہ بھی پڑھیں