کراچی : سندھ کی اعلیٰ سیاسی شخصیت اور معروف بزنس گروپ کے روح رواں اشفاق لغاری کے اہل خانہ کو تاوان کی ادائیگی کے لیے دھمکی آمیز فون کالز وصول ہوئی ہیں۔
تفصیلات کے مطابق 5 اپریل کو سپر ہائی وے سے لاپتہ ہونے والے اشفاق لغاری کے اہل خانہ کو نامعلوم فون کالز موصول ہو رہی ہے ملزمان کی جانب سے فون کالز کے ذریعے اشفاق لغاری کی رہائی کے عوض تاوان طلب کیا جا رہا ہے بہ صورتِ دیگر سنگین نتائج بھگتنے کی دھمکیاں دی جا رہی ہیں۔
اے آر وائی نیوز کے نمائندہ نذیر شاہ کا کہنا ہے کہ تاوان کے لیے فون کالز آنے کے بعد سے اشفاق لغاری کیس کو انسداد تشدد اور جرائم سیل (اے وی سی سی) کو منتقل کردیا گیا ہے جو اس کیس کا باریک بینی سے مشاہدہ کر رہی ہے۔
اہم سیاسی شخصیت کے قریبی ساتھی اشفاق لغاری لاپتہ
اے وی سی سی ذرائع کے مطابق تاوان کے لیے آنے والی کالیں افغانستان سے آ رہی ہیں جنہیں ٹریس کرنے کی کو ششیں کی جا رہی ہیں تاکہ مجرموں کا پتہ لگایا جا سکے۔
اے وی سی سی ذرائع نے بتایا کہ اشفاق لغاری کی گاڑی سپر ہائی وے سے ملی تھی جس پر 3 افراد کے انگلیوں کے نشانات ملے تھے جنہیں محفوظ کرنے کے بعد جانچ پڑتال کے لیے متعلقہ اداروں کو ارسال کردیے گئے ہیں جن کی رپورٹ کا انتظار ہے۔
کراچی: سابق مشیر سندھ نواب علی لغاری اغوا
واضح رہے کہ معروف بزنس گروپ کے سربراہ اشفاق لغاری کو چند روز قبل حیدر آند جاتے ہوئے اغواء کرلیا گیا تھا جن کی گمشدگی کی اطلاع اہل خانہ نے دی تھی۔
چوہدری نثارکی دھمکی کے نتائج آنا شروع ہوگئے، مولا بخش چانڈیو
اشفاق لغاری سندھ کی اعلیٰ ترین سیاسی شخصیت کے ساتھ قریبی روابط بھی ہیں اس لیے ان کے لاپتہ ہونے کے بعد سے سندھ کی حکمراں جماعت نے سخت اھتجاج کیا ہے اور وزارت داخلہ کو سخت تنقید کا نشانہ بنایا گیا ہے۔
